هنا المحاوره المباشره بين الشاعرين محمدبن طمحي وصقر سليم..

[خلف بن مرزوق]

مـــحــــمـــــــد بــــــــن طــــمـــــــحــــــي

يامرحبا ترحيب مع منهجك ياصفوة قريش=رسولنا اللي دعوته نـوّر علينـا نورهـا
ترحيب باسم عتيبه الهيلا قيادة كل جيـش=قوماً نسّر صدروها قوماً نقص ظهورهـا

صــــــــــــــقــــــــــــــر ســـــــلـــــــيـــــــــــم

دام البقى واللي على منهج رسول الله يعيش=كمل فروضك حج مكه والمدينـة زورهـا
والنعم بالهيلا لكن المشكله غش الغشيـش=يا كبرها ليتـك مخليهـا تسّـر صدورهـا

مـــحــــمـــــــد بــــــــن طــــمـــــــحــــــي

ياشاعر السلمان ليش تغيّر الاهداف ليش=اهدافنا اهـدافً نبيلـه متغيّـر دورهـا
ماهي غريبه من سليم اللي قرابه للدويش=الله يرحمهـم ويرحـم عالـمً فقبورهـا

صــــــــــــــقــــــــــــــر ســـــــلـــــــيـــــــــــم

تجمعت سود الحيايا فالجحـور الهـا وشيـش=متكسـره نيبانهـا لـو سمـهـا فنحـورهـا
ترى الرياض العاصمة ماهي سوات أبو عريش=حنا خنـاذف مـن رياجيـلً حكيـم ً شورهـا

مـــحــــمـــــــد بــــــــن طــــمـــــــحــــــي

أنت تعرف طير السعد ماهو بطير بدون ريش=ايزوركـم يـوم الليالـي ماتطيـر طيورهـا
وأن كان ضايق من كلامي يالبقيلي ماعليـش=علتك ياجاري قديمـه ميـر أنـا دكتورهـا

صــــــــــــــقــــــــــــــر ســـــــلـــــــيـــــــــــم

الظاهر أنك ياعويش مانكبـك إلا معيـش=لكن لو شبيـت نـارك ماتفـوح قدورهـا
ماني بضايق يالذيابي من كلامك وأنته ايش=اللي يحدك والعرب راحت وخلت سورهـا

مـــحــــمـــــــد بــــــــن طــــمـــــــحــــــي

ياشاعرً نظرتك يـم جبالنـا نظـرات طيـش=يفجعك جلمودً محوّل مـن علـو صخورهـا
الجمر من نار الحطب والكهربه من سلك فيش=وأختامها بالمسك فغياب العـرب وحضورهـا

|165| |165| |165| |165| |165| |165| |165| |165|

|165|

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn