مت ياسيف العروبه

[تاجي عتيبه]

	اخواني مشرفين واعضاء منتدى الهيلا هذه قصيده للشاعر / حسين بن زيد العتيبي اتمنى ان تنال إعجابكم ارحمو عزيز قومٍ في عيون الناس ذل=وانت ياصدام مت ولانت في عيوني ذليل المذله عند ابوعدٌاي ماتلقى محل=مات واقف ما نحنى حييت ياموت النخيل والله انه مايساوم في جبلها والسهل=مت ياسيف العروبه مت واشباهك قليل دجله شقت جيبها والرافد الاخر زعل=وبغداد من قو الخبر ماتت على كف الدخيل كانت بيمناه دوله وصارت احزاب ودول=واللي قبل سنين ينهق صار يسمع له صهيل خلو قبور الصحابه كلها لات وهُبل=ويوم حكمه لاصياح ولا نياح ولا عويل الحمل من هو يشيله عقب ماطاح الجمل=كفنو دار الرشيد اللين نلقى له بديل ساحة الاعدام خافت منه ماهزت جبل=وشع وجهه بالسعاده ينتظر قرب الخليل يارغد خلي دموعك في عيونك لاتهل=والله ان ابوك ماله لاشبيه ولا مثيل يموت بالعزه اسد ويعيش بالذله ثعل=ويخاف من قرب الاسد لو كان قدامه قتيل هج لشمال العراق خاف منه ما حتمل=جلال ماتحكم بلد وانت يالخاين عميل وانت ماترأس حكومه نور لا والله جهل=فارسيٍ تزرع الفتنه على راس الفتيل ليتني ما عشت فوق الارض يا كوكب زحل=وليتني ماشفت كدش ايران من حول الاصيل اخرو عيد الضحيه يوم ما هي بالحيٌل=والله ماتمشي حيلهم لو تسٌمعها هبيل (هاي ماهي مرجله) اليوم صارت له مثل=والله انا مانلومه لوذبح كل الدجيل وانت يابوش اللعين راح صدام ورحل=مير لاتحسب بلاد العرب متروكه سبيل خذ بقايا جيشكم وارحل تعذرك المحل=قبل لافتنام ترجع ثم ماتلقى حصيل

صح لسانك ابو ريما قصيده رائعه

[النابغه]

قصيده جميلة وصح لسانك

[مرزوق حمدان العتيبي]

...
.

صح لسان حسين
ولاهنت ياتاجي عتيبه على حسن منقولك
يارائــع
....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[محقني الخبر]

قصيده رائعه صح لسان الشاعر



يعطيك الف عافيه

[غشام نجد]

بسم الله الرحمن الرحيم
السلام عليكم ورحمة الله وبركاته
صح لسان الشاعر : حسين بن زيد العتيبي وبيظ الله وجه قصيدة من المرثيات الصادقة والاحساس المشاعر المعبرة اضافة لقوت معانيها في بطل العروبة والاسلام وهي من روائع الشعر الشعبي 0
الاخ : تاجي عتيبة : تسلم يمناك والاعدمناك على هذا التقل المتميز والرائع في نفس الوقت

عزاه ياباب كان موصود باحكام=واليوم عل المصراع كلن يفوته
ضاعت مقاليدك مع شنق صدام=تعصف رياح الفرس وتهب نوده
بغداد ياحسره على عهد صدام= ايام كانت لك سياده ودوله
واليوم اسيادك حثالات واقزام =يامر عليهم بوش والقول قوله
من بعد ما كنتي بلد خير وانعام =التمر مستورد ويبغا سيوله
وفيك الضحايا في الزبايل بلكوام = ومن كان عايش ما لقي من يعوله
لجل العراق الحر لا مات صدام= وعلدرب ساير من يوفي وعوده
رمز الشجاعه والمهابه ولقدام = شهد وهلل وهوه داري بموته
من هو كريم اتجود نفسه بلكرام= وهو عطا النفس فدوه وجوده
نفسه عطاها وراحت حكم اعدام = ولكن للتاريخ يبقا وجوده
شفتو الشموخ والكبريا وقت لعدام = ما اهتز طرفه ولا انحنايه بعوده
ولا ظن من يشفي غليله بصدام = يعرف معاني مرجله او رجوله
شفتو الذي كانو حواليه بلثام = المرجله له او لمن كان حوله
وقفته في القفص وقفت الليث ظرغام =الليث ذي كان له صوله وجوله
ياريت حكام العرب مثل صدام = ضحا بحياته كلها لجل موته
الروس تتنكس ولا هي بلعلام = على عمر مختار تكريت عوجه
الطاغيه ياعرب ما هو بصدام =الطاغيه بوش والجحافل قروده
ذي فرقوكم الى قطعان اغنام = وكل واحد له ثمن في سكوته
النعي نعيين العراقي وصدام= وهذا البدايه فيه وتالي بخوته

منقول ولكم التحيه

[تاجي عتيبه]

النابغه / تسلم اخوي وصح لسان شاعرها ابو ريما


مرزوق العتيبي / صح بدنك نيابة عن الشاعر وتسلم يامرزوق على مرورك



محقني الخبر/ صح بدنك نيابة عن الشاعر والله يعافيك اخوي


غشام نجد/ صح بدنك غشام نيابه عن ابو ريما

وحسين شاعر متمكن وبقوه ليس مدح له ولا مجامله وليست تلميع لدي بعض قصائده

واتمنى له دوام التوفيق في ساحة الشعر

يعطيك العافيه اخوي غشام وشكرا لما سطرت من كلمات في حق شاعرنا ابو ريما