الامير/ رجا بن مويشيرودوره في ضم الجوف- لحكم ابن سعود

[أبو صقر]

نداوي هوازن
انا اعتب عليك يبناخي بالدخول بهذه النقاشات العقيمه لكن انا هنا اضيف قصيده لعبدالهادي المريزيق الرويلي
قالها بالشيخ عبدالرحمن المويشير عندما زاره بقصره الجديد :

مبروك منزل قصركم يابوسلطان = يالله عساكم تنزلونه على خير
قصر لنا مزبن ومذرا وديوان = وفخر لهال الجوف كبير وصغير
في طيبكم نفخر وفي شانكم شان = ولاهو جديد طيبكم يالمويشير
طيب وفخر انتم نضايض كحيلان = رجا ليا عدو الرجال المشاهير
تشهد جميع الناس حضر وبدوان = ويشهد لها التاريخ عدا وتكرير
خذاه بيده ماشراها بالاثمان = ولابرطل الساعي بسوه وتزوير
تاج الفخر يومن بالفعل برهان = على النقا حطم جسور المناعير
نضايضه انتم طويلين الايمان = ماكر حرار ولا يجي منه تقصير
هذا ولو نشرح تفاصيل الازمان = كل القلم ومعدلات التساطير
ماقل دل وماخفى باين بان = خلدتوا التاريخ بين الجماهير
اقولها ولاني على القول ندمان = الفعل ثابت ماهو قول وتعابير
قول بلا فعل تعاليل سفهان = والقصد مايحصل بليا مخاسير
بيت بليا ظل ماهو بنيان = وش عاد لوكثرت عليه التصاوير
يكفي على انه بيتكم يابو سلطان = عبدالرحمن الشيخ واف التشابير

تحيتي ........................