ياخوي ياويلي على الجيب ويلاه=ويلي على الجيب الجديد السفاري
اللي خذا قلبي ولاني بوياه=واللي حداني عنه ظرفآ اجباري
يتل قلبي يوم تله من اقصاه=يتلني تلت جيوب الطواري
وياوجدحالي يوم شوفه ولاقواه=اونس بقلبي مثل طعن الشباري
وياوجد حالي وجد من همه اعداه=خذو حلاله والعدو مايداري
أو وجدابن هدلان في ذيب ينعاه=على فراق الابن ذيب المساري
أو وجدضيف الله على عبيدومناه=مايبري جروحه هجوم انتحاري
أو وجدسعدون العواجي على ابناه=يون وناتآ تجيب العباري
ومتعب على تراحيب مع حرشلفاه=يقول ياهل الخيل وين الاثاري
الجيب لولا نفعته مامدحناه=ولياركبته جاك تسعين طاري
وليا بغيت البرمابه معاناه=يازين شكله بين عشب وخباري
ويازين ميقافه ويازين ممشاه=ويازين زويه مع ارمال وصحاري
حتى الجبل من قو عزمه بيرقاه=بدفع اربعه مع خامستهن سباري
ويازين مطلاعه ويازين منحاه=صوت الكفر يشبه الرمي السواري
مع الفجوج الواسعه والمعباه=من المطر اللي يمين ويساري
ويابعد مسراحه ويابعدمسراه=يطوي بعيد الارض لاجاك ساري
والحمد الله عندناكنه اياه=ثمانيه وتسعين ماله امباري
العزم والخفه مثله وشرواه=يشبه لحراً شاف جول الحباري
الجيب والله ماخذل من تمناه=انا مجرب ونشدو رجل غاري
وصلاة ربي عد نوآنثرماه=على نبيآ منهجه هو خياري
« آخـــر الـــمـــشـــاركــــات »
العرض المتطور
