قصيدة قيلت بعد معركة بين العصمه من عتيبه والصعران من مطير

[ابن عاصم]

ياربعي ياحبتي

ولكم القصيده انشاء الله كامله

يقول شديد العصيمي :

قال العصيمي بادي (ن) راس قنه ×××××××× في قنة(ن) عديت عالي رقيبها

ماحولي الا هامل الصيد والخلا ××××××××× وشهب الذياب اللي تعاوا قنيبها

ابني بيوت (ن) كنها ذايب العسل ×××××××× او در عرب (ن) من محالي حليبها

ياالله يالمطلوب ياقايد الرجا ×××××××××× ياخالق الامه ويامبدي نصيبها

ياقاهر الطغي وياقامع الخنا ×××××××× ونفس(ن) تعثوا بك عليك تعذيبها

ابرجيك يوم انك براجيك تعتني ×××××××× وعينا ترجاك الرجا ماتخيبها

تطرح لنا غيث صدوق به الحيا ××××××××× يسقي ديارا بالقسا نلتوي بها

وانك تعاونا علي مايل الدهر ×××××××××× وتكسي مدايرنا بخضرة عشيبها

ماني بخبل (ن) نومته حزة الضحي ×××××ولا من الرخوم اللي شينهافي قريبها

من الاد عاصم كل ماجا دعيه ×××××××× تذيل الحجه وتفلج طليبها

تفدع شيوخ القوم في حومة الوغي ×××××× بمسلب(ن) تشلح ترايب صويبها

مسلب (ن) كن الزوارق ارقابها××××××× من الصيد حناها وعدل خشيبها

للضيق ومبادي الردى متعبينها ×××××× صنعة افرنجي (ن) قوي لهيبها

نرعى بهن من سنين العشايب ×××××××× في ديرة (ن) قفر خلا ماوطيبها

ونركب بهن فوق عوص النجايب ××××××× هجن وجياد زرع قلبي جنيبها

يوم ولد اللاش ترك وجوبهن ××××××××× والقاله الدنيا لدين رضيبها

اللاش دايم نقمة لابن عمه ×××××××× لو كان ماله حجة(ن) يدعيبها

؟

جونا كما يعل البرد من مخيلته××××××× قدام عين الشمس تدرك مغيبها

وقمنا عليهم قومة (ن) تعجب النظر××××× والقرم باسم اخته عدا يعتزي بها

نشهر عزاوينا ونطلق مهارنا ××××××××× ونطلق اللي طامح(ن) من خطيبها

كم من عيطموس من جراير فعولنا ××××××× غبة نهار الكون تبكي حبيبها

ذبحي من الصعران تسع ببندقي ××××××××بالمارتين اللي سريع(ن) نديبها

وخمسة عشر جيش وعليه الاهله ×××××××× وباقي عدايدها لمن يستنيبها

ووالله بالولا الليل عنهم حداني ×××××××× ماخلي اللي راكب في نجيبها

ياذيب ياللي في خشوم ذهلاني ×××××× فالرايغه ولا في علاوي شعيبها

اقنب لذيب(ن) يم خشم الزباره ×××××××× وعيد علي هجنن ونشر عصيبها

تشبع جعيرات وتشبع هنادي ×××××××× وعلي العشا تدعي المكاحيل ذيبها

وهذي علوم الصدق ياجاهلن بها××××××× ولاني قايل سالفة مادري بها

زختامها صلاة علي النبي ×××××××××××× عد النجوم وعد من يهتدي بها



وسلامتكم
واستبيحكم عذرا اذا كان هناك اغلاط املائيه

وعلامة الاستفهام بيت نسيته لاني اكتبها عن حفظ

وهذي قصة العصمه والصعران

واذا كان هناك اغلاط في القصه او شي من هذا القبيل الرجاء التنويه
وشكرا للاخ نسيم الليل
وكل من شارك معناه هنا