لقب شاعر الاكثر ابداعا يهدية عبدالله عبيان الى قبيلة عتيبة الهيلا

[ســداح]

المشاركة الأصلية كتبت بواسطة يام ابن يصبا

الاخ سعد القثامي,
ووجهك ابيض يابن الاجواد,

لكل يوم اخي الفاضل ظروفة ولكل زمان رجاله ومن يعتقد انه سوف ينتصر حتى لو اوهمه من معه ان الامر والفوز اتي لا محاله, فعليه اولا ان لا يستعجل الامر حتى تظهر البوادر وتكشف الشمس عن انوارها,

وما ترجمه شاعر امطير في الاسفل الا عنوانا لكلامي, عندما قال:

يا والله اللي ما شاف الفوز عبدالله ..... مادامت مطير خصمه راح ينظامي
يا يام تركي بدا في الرجم واحتله ..... ماعاد مري ولا عجمي ولا يامي
بنسانده واللقب بـاذن الله ايشلـه ..... ومن كان خصم لنا نصدره ظامي


نعم ماقاله المطيري هو الجهل بخواتم الامور وهو مادعى شعراء يام ان ينزلوا ميدانه ويوضحوا ماخفى عنه بالابيات التاليه:

لاجيت تركي المطيري انصحـه قلـه ..... لايورد الما مادام ان الفحـل ظامـي
دام الجمل يرتكـي للحمـل بيشلـه ..... والصيد خله يجيـك بعلمـه الرامـي
والشعر ماهو على الموال والشلـه ..... الشعر بنظم الكلام الراقـي السامـي
انشد عن بن فطيس يومه يجمع الغلة ..... عن كل يامي يقول اشتـد ياحزامـي

وكذلك:

فاحت قريحـة شاعـر العليـا لعبـدالله ..... من روس همدان وجشم طرق اللغة يامي
يا شاعر مطير العقل بك صايبـه خلـه ..... استغفر الله كيف يـام اتقـول تنظامـي
لو ما بقي للموت رمق بطعنـة السلـه ..... انموت في غب الفخر وتخـط الاقلامـي
حنا هل التسعيـن بـاب وخايـع التلـه ..... اهل العلوم بشرق غرب ولليمن شامـي
وحنا المفيد اللي تشله صيغـة الجملـه ..... وحنا من الـى عـن والبـاء واللامـي
وحنا اخوان انّ وكـان واحـرف العلـه ..... وحنا الخبر والمبتدا والصرف الالزامـي
وكان المخطط يالمطيري راعـي الغفلـه ..... احصان يزحمهـا ولآخـر راح قدامـي
يحرم علينا كيف هيل(ن) يطفـر الدلـه ..... ان ما خذا درع الشعر مليونـه اليامـي
الياء يبرك والالف الـوي الرشـا كلـه ..... والميم مشروب الدلو يالشاعر الظامـي
وماهي غريبة ندهل من الفـوز وندلـه ..... نسرح ونضوي بالنصر يوم انت متعامي

يستاهل ابن عبيان الفوز وتستاهل عتيبة الهيلا كل التقدير والاحترام, ونعتذر للجميع عن عدم اقامة الحفل كما كان مرتب له سابقا لظروف تعلمها امارة الاحساء ولا نعلم خفايا اسرارها ومدلولاتها..!!!

عموما لانعلم صحة الابيات ولاشفنها على موقع اعلامي او عدد من المجلات

لاكن لاتمثل اي فرد من افراد قبيلة مطير لا اللي كتب القصيده ولا اللي رد عليه

وكلهم سفهاء عقل والمفروض انك تحد من الامور هذا والبعد عن الجهاله والتعصب


وابن اعبيان يستاهل كل خير والعصميي يستاهل كل خير

وتركي بن عطالله يستاهل كل خير .. فهو الفائز بالمركز الاول او الجائزه الاولى

وعبدالرحمن الشمري يستاهل كذلك الفائز بالجائزه الثانيه

[عكاش]

المشاركة الأصلية كتبت بواسطة ســداح

وتركي بن عطالله يستاهل كل خير .. فهو الفائز بالمركز الاول او الجائزه الاولى

الظاهر ماحد عنده تلفزون غير انت ولا احد شاف الحلقه غيرك

قال ايش قال تركي الفايز بالمركز الاول ههههههههههههههههههههههههههههههه