ربعي عتيبه من لندن الى اكــــــــــــــــــسفورد

[خلف القثامي]

ماللعتب يا قايـد الغيـد داعـي
أعرض عن الجاهل بخيره وشره
بعض الخطا يا زين والاندفاعـي
ما من وراه الا الردى والمضره
أيامنا يا نـور عينـي متاعـي
متقلبـه مابيـن حلـوه ومـره
إتحط للعاقـل مطـبٍ صناعـي
وتلبس الجاهـل بجوخـه و دره
وطبع العواذل مثل سم الافاعـي
قبـل تبثـه حالتـه مستـقـره
واليا مشى بين الحنايا وشاعـي
يابعد منفعته ويا قـرب ضـره
وليا تمكن ف القلوب الوجاعـي
حتى المداوي بالدوى مايسـره
وأنته وأنا والشوق والالتياعـي
وصدق النوايا والغضب والمسره
أبطال عشنا في حيات النزاعـي
وكلن عرف يا غايتي وش مقره
لو بعت حبك با لذهب مايباعـي
اغلا من كنوز الذهب بالف مره
نزعت قلبي يا لفريد إنتزاعـي
وأصبحت ما ملك منه مثقال ذره
يا نور عيني لا تضيع المساعي
بيني وبينك لو عليـك أتشـره
أنا عشقت برغبتـي واقتناعـي
تشهد على حبي نجوم المجـره
لاتستمع في جاهلٍ مـا يراعـي
وسلم الهوى ما ذاق برده وحره
ما للزعل بيني وبينـك دواعـي
حتى ولو إنـي عليـك أتشـره