اختيار تصميم الجوال
|
|
|
« آخـــر الـــمـــشـــاركــــات » |
أدوات الموضوع | انواع عرض الموضوع |
|
18-Mar-2006, 03:21 PM | رقم المشاركة : 11 | |||
|
اساعدة من روق للشاعر حمد الاسعدي
-------------------------------------------------------------------------------- الله لا يجـزاك بالخـير شيبـــــــــه *** عرضتني قيضية مابها ظــــــــــلال مشيتني درب السمايم غصيـبـــــه** حديتني للغيض في بدع الأمثـــــــال الدرب ألاقشر والخطأ وشتبيبـــــه ** بين اللحم والعظم سويت مد خـــــــال بانت علومك بالعلوم العجـــيبـــــه ** غلك تبين لو تخفيت بجـــــــــــــــلال دورت لك عذر بما تدعيبــــــــــه ** والله ما حصلت لك عشر مثقـــــال ياهـن مالك من ورانا طلــيبـــــه ** لانتب ولد عم ولانتب ولد خـــــــــال حـنا مواكرنا براس الجذيبــــــــه ** واللنا على روس الشواهيق منـزال أساعده من روق فزعة عتيبـــــه ** الورع منا عن ثلاثين رجــــــــــــــال ماحدنً تهـقوانا واخذها غليبـــــه ** الله مسلطنا على كل من عــــــــــــال مانلتفت فالناقصه والعطـــيبــــــه ** ولاتعودنا البكاء عند الأطـــــــــــــلال حقوقنا ماضاع منها سبـيبــــــــه ** اخذوا قضاهم غصب ذربين الافعـــال ميقافنا بيّن وكــلن دريــبـــــــــه ** على النضاء والخيل وعلومٍٍ اجـــزال اجدادنا يوم الليال العصيبــــــــــه ** يزبنهم الخايف ويامن ويختـــــــــال يذري ذراهم بين قدرن وهيبـــــه ** بنوّ منازلهم على نايف الجـــــــــــــال منهم سعد سقم العداء نعتزيــــبه ** زبن الدخل معّدل الخصم لا مـــــــــال ابن حتيرش يوم الانفس غضيبه ** سعد سعد من لاذ به عن لضى الـلال مع شايع الامسح وقف للمصيبه ** ماصد عن نخوة كريمين الاسبـــــــال تزبّنه شايع وخيب طليبــــــــــه ** امن دخيله من رياجيل و اهـــــــوال يوم اليالي شحاح ما ينصخي به ** والمومي ضحيان للضيف مدهــــــال ناره بعيد الدار يمه تجيبــــــــــه ** الــلي على ابلق شاع صيته ولا زال ذباح الاوسط من غوالي نصيبه ** ارخص حلاله واتبع الفال بعقــــــال تاريخ ماتقدر بذمك تذيبــــــــــه ** اوضح من الشعله على روس الاقذال يوم الكرم من قل نفسه تطيبـــه ** يالله عسا له جنة الخـــــلد منزال ويوم انك لحالك سوات الذهيبه ** ذروك عن لفح الهبايب و الامحال سموك بسم الطايلات العريبـــــه ** ولاعاد تبغى لأسمك العـــــام دلال والناس تدري كيف جات الكسيبه ** واللي لبس له بشت وثيـــابه اسمــال مثيب ماسرح علوم تثيبــــــــــــه ** اختل تفكيره و ضـــــــواله هبــــــال ولاهي على مثله وجنسه غريبه ** اللي بليا ســــــــاس لا بد ينهــــــال قالوا انه لافين كالربيبــــــــــــه ** وحطوه من ضمن العرب واثره احثال فيحان بشعاره نسبك لزبيبـــــــه ** بثبات من راع المثايل بعد قــــال يوم ادركوه بمدركه وابتلي بــــه ** اللي تعلق في عبيـــان بحبـــــال خيبت تعب ماورثت غير خيبــــه ** ومن التويبع ما بعد وادين ســــال افتى بليا علم واردى نصيبـــــــه ** يبحث عن الشهره على شين الاعمال مافاد خير ولاحسب للمعيبــــــــه ** عفن العباة اللي سمعتوا با لأمثال ولا كل ليل تامنه ينسريبـــــــــــه ** و لا كل عقده يالمعيدي بحــــــلال والرجل منطوقه يعرفك غيبـــــــه ** هذا مثل ناتج تجاريب الأجيـال وكل على ما فاد ربي حسيبــــــــه ** واستغفر الله عن ذنوبي والأقـــوال |
|||
|
|
18-Mar-2006, 04:56 PM | رقم المشاركة : 12 | |||
|
يعطيك العافية اخوي ضحيان
وصح لسان شاعر الاساعدة أخونا حمد الاسعدي |
|||
|
|
19-Mar-2006, 08:06 AM | رقم المشاركة : 13 | |||||
|
الشكر الجزيل للأخ ضحيان وكثر الله من امثالك والشكر للجميع على هذا التفاعل وللأستاذ راعي صبحا .
|
|||||
|
|
19-Mar-2006, 09:07 PM | رقم المشاركة : 14 | |||
|
الشكر الجزيل للاخوان - عفار الاسعدي - وراعي صبحا - وضحيان .
والشكر موصول لمشرفنا الوليد الاسعدي. وصح لسان الشاعر حمد الاسعدي. وتحياتي لجميع المشاركين . |
|||
|
|
27-Mar-2006, 11:45 AM | رقم المشاركة : 15 | |||
|
قصيده جميلة لحمد الضحيان الأسعدي أبرز شعراء قبيلة الأساعده في هذا الوقت .
أعجبني هذا البيت : فيحان بشعاره نسبك لزبيبـــــــه ** بثبات من راع المثايل بعد قــــال والمقصود بفيحان هو فيحان بن غيلان الزعتر , وهو الذي رد على خرافات المدعو ( مثيب ) بقصيدة لاتنسى . تحياتي لعموم أخواني الأساعده في هذا المنتدى . |
|||
|
|
28-May-2007, 01:21 PM | رقم المشاركة : 17 | |||
|
لا هنت على القصيده الطيبه حقيقه شاعر مبدع بمعنى الكلمه الله يوفق الجميع انشاءالله
محمد الصقري الاسعدي |
|||
|
|
28-May-2007, 10:22 PM | رقم المشاركة : 18 | |||
|
بيض الله وجيهكم ياعيال العم
وصح لسان حمد الضحيان الاسعدي ويسلمن ايديك يااخونا ضحيان اخوكم محمد الواتسد الاسعدي الروقي العتيبي |
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|