ياشين علمن فجر القلب وقعه,,,,,,,, هز الخفوق وهد عزم القوي هد
جاني مخيف وفي ضحى يوم جمعه,,,,,,,,ثقيل بيح بالحشى خافي السد
راضي ولكن فجعة العلم فجعه,,,,,,,, قال العيال وعدهم ناقله عد
من لابتي سقم المعادي وتسعه,,,,,,, تجمعهم العزوه على طيب الجد
وطحت بمكاني وافرك الارض جزعه,,,,,,,, والدمع سال من المحاجر على الخد
وعديت من باب القرابه بوجعه,,,,,,,,, وقسمي طلع عد الاصابع على اليد
خمسه بعد كلن قرب يوم نفعه,,,,,,,, راحو بدربن من مشىفيه مارد
والكون ضاق ابيه على كبر وسعه,,,,,,, واقول صفوة كلهم مالهم ند
ومع دربهم ماشين باكر وتبعه,,,,,,,, ولو طالت ايام الفتى للعمر حد
والرابح اللي زان دينه وطبعه,,,,,,, وجود حباله بالولي وافي المد
ومنهو يلوم اللي بكى فقد ربعه,,,,,, بين الخلايق ياعسى ماله مود
ويالله يارب المخاليق فزعه,,,,,,, ياللي لك يدين المخاليق تنمد
ترحم لنا من راح من غير رجعه,,,,,,,, برحمتك يالي رحمته مالها حد
وتصبر اللي حيلته هل دمعه,,,,,,,, وتعوضهم في صغرهم جنة الخلد
الشاعر...
عبد المحسن نايف مجيديع بن عميره المغيري
« آخـــر الـــمـــشـــاركــــات »
18-Jan-2003, 06:14 PM
من لابتي سقم المعادي وتسعه
العرض المتطور
