أبعد بــــــــــــــــــعيد

[أبو جواد]

أبعدبعيد
مليت أنا ياخوك من كثر الأعذار
لاتعـتذر مافية للــعذر داعي
يكفي كفى ياخوك حطمت الأسوار
وأخلفت ظني ياحسـين الطباعي
أبعد بعيد أرجوك لاتشعل النار
في وسـط قلبي ياقلـيل الـمساعي
ماعاد ألك عندي قيمة ومقدار
من بـاعني جعله للدرب الضـياعي
محدا جبرني يارفيقي وش أختار
هـذا قـراري وأخـذه بـاقـتناعي
اليوم أبرحل عنك لو صار ماصار
ماعاد ألي عنـدك رجا وإنتفـاعـي
بابا يجيب الريح أصكه بمـسمار
أفهـم كلامـي زين كان أنت واعـي
أنا فطين وهمتي فوق الأنظار
وتـرى المراجـل تنشرى ماتـباعي
وترى الوفا بالوعد عادات الأخيار
وراع الـوفـا دايـم ذكـره يشاعي
من لايقدر وقفتي في زمن حار
ويقـطع على شانـي فجوجا وساعي
بعده غناتي وفيه ماظني أحتار
بـلـقى بـديـلة صادق لاستـماعي


كلمات / أبــو جــواد

[بحر القوافي]

أبو جواد



صح لسانك مليووون ولا تكفي

جزله ولايجيبها الأ جزل

سلمت يمينك ولاهنت

تقبّل مروري

[أبو جواد]

بحـــــــــــــــــر القوافق أسمك يكفي ويغني عن التعريف لي الشرف تكون أول شخص يعلق على القصيدة تقبل تحياتي

[ماله امان]

ابو جـــواد كلمات حلوه وجزله صح لسانك0تحياتي،،،،

[ابوبجاد الرويس]

مشكور اخوي ابوجواد

ويعطيك العافيه

وصح لسانكـ

وبيض الله وجهكـ

والله قصيدة جزله جزله جزله جزله جزله جزله جزله ........ الخ

وتقبل مروري يالغالي

[صنداح الزلامي]

ابو جواد صح لسانك واشكرك على هذه القصيدة الجزلة
تقبل مروري الغالي

[معلا إبراهيم الأسعدي]

فعلا ً قصيده جزله تستحق الثنا

بارك الله فيك ابوجواد

التوقيع

[أبو جواد]

مالك أمان مافيك حيلة تقبل إعجابي مرورك يسعدني
أبو بجاد سبق وقلت لك شهادتي فيك مجروحة
صنداح الزلامي شهادة أعتز فيها وتقبل تحياتي
شامان الأسعدي الله يبيض وجهك لاهنت ياغالي

[مخلف الهقاوي]

ابو جواد..مااقول الا مبدع وعسى هالكلمه توفي..صح لسانك اخوي

[أبو جواد]

مخلف الهقاوي سلمت ياغالي وشاكر لك مرورك