%%مطـــــــــار المتـــــاهــــــــات%%

[أبو جواد]

المشاركة الأصلية كتبت بواسطة بحر القوافي

حبك حجزلي من مطار المتاهات=مطار فاتح لجل رحله وحيده
مطار لكن غير كل المطارات=فيه العواصف والرياح الشديده
عند المدرج قمت أنا بالتلفات=وبهرني المنظر بصوره جديده
على جناح الطايره شفت لوحات=وقريت أنا المكتوب رحله بعيده
رضيت بالواقع وقفّيت بسكات=ورحت أكشف الماضي بفكري وأعيده
للهم في قلبي مساكن قديمات=وللحزن في قلبي مطابع جريده
والنوم مابيني وبينه علاقات=لاهو يبي عيني ولاهي تريده
عايش كذا للهم شارع ولفات=يلعبي الهاجوس ولعبه يجيده
وحبك بناله في خفوقي محطات=وأستفرد بقلبي وعقّد بقيده
واللي بقوله رغم بعد المسافات=أنك قريب قرب قلبي لوريده

.
.
.
.
وسلاااااااامتكم

الله الله جدا روعة
صح لسانك من هنا لين لبنان
قصيدتك ياصاح شيا خيالي
أبيات محبوكة وحروف وأوزان
والعيب والنقصان ماله مجالي

أخوك أبو جواد