يوم عيني خايلت براق خده = والمنايا يوم سلهم في المحاجر
لا تعد الكسر عقبه لا تعده =راح مرواح البصيص عند فاجر
جادلٍ سلك البريسم دق قده = لا تمايل قلت غصنً جاء لحاجر
شبه وضحاً رعوجت يم الموده = يوم صاح الها على ملي الحناجر
النحر مليان والمثناه نده = والنهد رمانتٍ في غصن شاجر
والجديل يطير واليسرى ترده = كل ماهب الهوى قايم يتشاجر
كل ماأومت في دجى المجدول يده = لاحني ليل الشعر برق المناجر
وانا مالي قوةً عن صد وده = وياعسى من صد وده مايواجر
ربي اللي يامر الشر ويضده = لين لاح الصبح في جنح الدياجر
وانا عنده شاكي لوع الموده = ولا لعيني عن هميل الدمع زاجر
اتوددله واشكوي له مصده = لاتهاجر ياعذابي لا تهاجر
لين جاني وارتخى من عقب شده = ثم سقاني من ثناياه السناجر
كن طعم الريق من ثغرً يمده = في لساني مثل خجات الخناجر
مشكور عل النقل
وصح لسان فاروق الكسر المرشدي
تقبل تحياتي
« آخـــر الـــمـــشـــاركــــات »
05-Aug-2007, 03:54 AM
العرض المتطور
