مدري علام الموت بذ الشعوبي

[النايع]

مدري علام الموت بذ الشعوبي

البارحة يوم الخلايق مهنّاه = في نومها وجدي وهمّي سروا بي
غنيت صوتٍ كل من سمعه اشجاه = يرخي له الاسماع ويلدّ صوبي
الله يا دنيا عناها عرفناه = قد مسنا فيها النصب واللغوبي
دنيا لها في كل يوم مقاساه = ويا كثر ما تجري عليك الخطوبي
مرٍ كما وجه القمر في محياه = وامرار منها الدم الاشقر يروبي
يالله يا رب الفياض المعذاه = عفوك مهوب عن العباد امحجوبي
يا رب عبدٍ لك يناجيك بدعاه = يشكي لك صروف الدهر والغيوبي
انا مطيعٍ لك على ما اتوراه = وانته محل العفو تغفر ذنوبي
والموت حر الموت مانيب ويّاه = مفرّق الحيّان بذ الشعوبي
ويلي على فرقاه ويلاه ويلاه = ماباه ياقف يحتري في دروبي
ما اريد لا ذكره ولا اريد طرياه = وهو مع الأيام يقرب قروبي
حتى تغلّق ساعة الصفر والقاه = واذوق ويلات الكرَب والنشوبي
ما تنفع السلوى ولا من مواساه = ضاق الفضاء ما عاد صدري رحوبي
ضاق الفواد وضيقةٍ فيه تدهاه = كنه يزايم قطن ضلع الحروبي
يا موت موتي موت موتي وموتاه = يا حسرةٍ بالكبد شبّت شبوبي
فارقت خلاني وربعٍ لهم جاه = شالوا عظامي بالنعش وانتحوا بي
يم القبور ويم دارٍ مسوّاه = جيرانها رقّاد خرثى الجنوبي
سدّوا عليّ القبر لاوا عناياه = وامسيت من بين اللحود امغلوبي
راحوا وخلوني على غير ما ابغاه = مصايبٍ منها تروغ القلوبي
وصحيت من نومٍ غطتني بلاياه = تقول اشوف الشمس وقت الغروبي
عاينت في جسمي ليا الدود يرعاه = وعاينت في ثوبي اليا الخام ثوبي
وجوني اثنينٍ خلقهم ما اتحلاه = إلا غضاب وبالحواجب قطوبي
قالوا تمنّ وقلت ويش اتمناه = ويلي على شم الهوى والهبوبي
واطرق فيافي نجد مع كل موماة = و اهز باليمنى طويل الكعوبي
واخيل براقٍ تقافت عشاياه = واسج رجلي مع دروب النصوبي
واعبد ولي العرش وادوّر رضاه = واغسل ثيابي عن ذنوبي واتوبي
قالوا لي ان العبد لا كب دنياه = ما عاد له فيها رجوع وطبوبي
وانته قضيت وكل ما فات تجزاه = صحايف اعمالك ملتها الكتوبي
مرهون بأعمالٍ على اللوح محصاه = خيرك وشرك بالكتاب امحسوبي
والموت غيره شيءٍ أدناه واشواه = يودع صفى رضوى يمور ويذوبي
ومن لا عطى درب السنع ربه اعماه = ما ينفعه طيب النسب والحسوبي
أحدٍ شقيٍ لاهب النار يصلاه = وأحدٍ يصب الخير فوقه صبوبي
قلت الله اقوى من تعلق به اكفاه = وانا لعفو الله مريد ورغوبي
ارجيه دوم العافية والمعافاه = ويعوض من هيلت عليه التروبي
وصلاة ربي عد وبلٍ نثر ماه = وعد الهبوب وعد نبت العشوبي
على نبيٍ بالدجى نور مشكاة = الصادق المصدوق ما هو كذوبي

وسلامتكم

[فيصل القثامي]

اللهم .. صلي وسلم على محمد
قصيدة .. عظيمة .. اخي النايع
صح .. لسانك .. يالنايع . وتقبل
مروري .. المتواضع

التوقيع

[مرزوق حمدان العتيبي]

...
.
قصيده كل ابيوتها تكتب بماء الذهب
موعظه لمن اراد ان يتعض ...
فالموت اتي لامحاله ...

ولمثل هذا فليعمل العاملون ..
بارك الله فيك يالنايع اشهد بالله انك شاعر بكل ماتعنيه الكلمه ..
ودائما اتوق واتشوّق لجديدك ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أبو نجر النفيعي]

..

النايع ..

أبداع غير مستغربك ..

وجزاله تفوق أيّة جزاله ..

صح لسانك مدد بلا عدد ..

وفي انتظار جديدك بشغف ..



أخوك..

التوقيع

.....

[متعب العصيمي]

النايع صح لسانك وبيض الله وجهك حتى ترضى

على القصيده الشامخه ..

ولك جزيل الشكر..

[النايع]

أبناء العمومة الكرام

فيصل القثامي

مرزوق العتيبي

أبو نجر النفيعي

متعب العصيمي


صحت أبدانكم

وشرفنا مروركم

تحياتي