قصايد الشاعر : شبيب شافي الملعبي

[شبيب شافي الملعبي]

بغى يحول القدر بالموت يالغالي = بغيت أودع على خط أبو حدرية
صورتك قامت مع السايد تورالي = مجنب وصورتك وجهتها شمالية
وطمرت للسايد الثاني على بالي = أنة يودي لقرية والنعيرية
شالتني أول مطبة من على الجالي = وراي راعي شفر ويمين دورية
وقفت عكس الطريق وطايح عقالي = وأقول جعل الولي يستر على حية
وتجمعت كل خلق اللة لي لحالي = أحدن يقول شحصل وأحدن على النية
ودقوا على شرطة الدمام طوالي = قالوا أثباتك ورخصتك الخصوصية
قلت أسمحولي وخلوني على فالي = أنا سهيت ونسيت الخط مولية
في داركم طاري المجمول يطرالي = لاجيت في هالطريق يمر طارية
مدري من الضيق جاني يوم أنا سالي = والا غلاة يحدى روحي على الجية
هو سبة اللي جرى وأسباب غربالي = وهو متلف الروح في حالات نفسية
يسوقني بالغلا وأسرح بموالي = وأغدي طريقي بعد ماعقب المية
اليوم ماصار شفتة واقف قبالي = تضحك عيونة وماسكني من يدية
ويمسك طرف غترتي وينزل عقالي = ويغيض كل الهموم اللي بقت فية
ويومنة أقفى بدا همي وولوالي = وكنة مع السايد الثاني نظر لية
وطمرت للسايد الثاني على بالي = أنة يودي لقرية والنعيرية
اللة ستر قبل لاقلب في الخلا الخالي = وأموت من سبتة بأرضن خلاوية