محاورة بين العلمين عبدالله المسعودي ومحمد بن تويم الثبيتي

[ابن مرغي]

جائت هذة المحاورة في ديار الثبتة بين العلمين عبدالله المسعودي ومحمد الثبيتي

وكما قلت لكم سابقاً أقرأوا القصيدة ثم استمعوا لها

بداية المحاورة لم أعرفها ولكن بدأ بن تويم بهذه البيتين:

بن تـويم :

تـرى هـذي الديـره يسـمونها أم سـباع
وفيهـا سـباع تاكـل الذيـب سـرحـانـي

المسعودي :

ترى يـالعتيبي ماش طمعه ورى طمّاع
ولو كل واحد قال أنا أحسن من الثاني
وانا جيتها فالصيف ما جـيت فالمرباع
وش تقول جاك السبع والسبع ما جاني

بن تويم :

ســنين مــضــت يوم ان بـرق الحيا لمّاع
ورعـده يـهز الـغيث في غر الأمــزانــي
ديارك يجيها السيل طــافح من الأرواع
صلاة العشا وقته ومع الصبح رجعاني

المسعودي :

لــيا طـاح للأرض الـمطر يفرح الزرّاع
ويزرع مـحل الـحمض خـوخ ورمـاني
على باخرتكم يا بخارى نشوع شراع
ولو ينقشع عن بطنها حمــلـــها بانــي

بن تويم :

انـا اباه يـفــرح مــير اظـــنـه يـبا يــرتاع
وانا يا عمـــيل الخــير ريّــض وعجلانــي
وبعض العرب لو حمية الشمس زبده ماع
وراع اـلســفينــه لــيــس حاله بــتعباني

المسعودي :

طــويل الـجبل يهتز من زهبة المدفــاع
و لابد فيــها نــار والــنار دخــّانــــي
عسى يلحق المدهور منها دهون ذراع
وانا لو يسيل السمن ما ذقت بلسانــي

بن تويم :

تراها مزوح تروح في وقتها في ساع
ولاتــنــقـــل الــخيفه بــيـن فلان وفلاني
زمــان الــمــنايــا نــابــها لـلدمي شلاع
عرفــنا تـــبوك ونعــرف حـــدود عمّاني

المسعودي :

انــا مــا آخــذ الــسكيـن فالابتر القّطاع
وعارف عناوين المراســل وعــنــوانـــي
ويا حية فالبـحر موزاك راس صـــبـــاع
ملــي نــص بطــن الداب من دم الأنساني

بن تويم :

رفعتك على سطح القمر عن جماد القاع
واشــوفك لــيا مــرباك تـنظر بالاعياني
ولافالبحر حيه يــسولف بـهـا الــشّــراع
يقولون ما به غــيــر مــوج وحــيــتاني

المسعودي :

عــيوني تعـاين فيك يا بو عيون أوساع
تحب الفرح وألا تــحــب الــحــمــيدانــي
ولا يا عميل حط ســطــح الــقمر مـرباع
صنعت السفينه مثل صنع المريــكانــي

بن تويم :

ســوالــف عــوارف جاتنا بالمتر والباع
يسولف بها عبدالله أشــكــال وألـواني
ولا يا الهذيلي ما قسى الطرقي المقراع
ولا قلت لك عض الأصابع بالأســنانــي

المسعودي :

ولا يــا عــمــيل مــا يـردك مـيـة فرّاع
ليا شفت منك زهوق ما شلت لك عاني
أثر للدهر صيّاح لو البـــطـون شــبــاع
ومنهو بلاه الوقــت يــالله لا تــبـــلاني

بن تويم :

أنــا شفت عبدالله يكيل الدخن بالصاع
لــكن احــترمت الضيف ماني بزعلاني

وسلامتكم