مستور العصيمي وحبيب العازمي
--------------------------------------------------------------------------
هذه المحاورة جرت بين الشاعرين:
مستور العصيمي وحبيب العازمي
ياصاحبي مستور يوم انت بدوي سنّـك كبيـر=قدّم لنـا نبـذة بسيطـة عـن حيـاة الباديـة
أحسن ركوب الطايـرة والباخـرة والا البعيـر=والا ركوب الموتـر اللـي مشيتـه متحاديـة
البادية والحاضرة سوى سـوى تنعـم بخيـر=اخذ السوالف هاديـة مـا دام الاجـوا هاديـة
لوّ البعير يطير كان احسن لكنّـه مـا يطيـر=سفينة الصحرا وميـراث(ن) مـن الاجداديـة
الناس طلعت للقمـر وانتـه محلّـك تستديـر=أصبحت مثل الكورة اللي عنـد بـاب الناديـة
اختار فالأمريـن والموضـوع الاول والاخيـر=اتشاهـد التلـفـاز ولا تستـمـع للـراديـة
أنا زرعت البر واحصد بر ليش احصد شعيـر=واخذت للحرة مـن التاجـر رسـن وشداديـة
اليا بغيت اختار اخذت الطيبـة مهمـا يصيـر=واهل الفتايـل وش تقـول وقدحهـا بزناديـة
اللي زعل يشرب بحر واللي رضي يشرب غدير=والسايـق المسـرع لعلـه يقطـع العدّاديـة
خذها بدون مجاملة كلمـة يعبّرهـا الضميـر=يا لأجودي مالـك مكـان إلا مـع الأجواديـة
اللي زعل واللي رضي واللي قطع سلك الحرير=علم(ن) بدون اشهود عند الناس مالـه قاديـة
خذها نصيحة يا حبيّب واحسم الوضع الخطيـر=اللي يصيد الناس مع طـول الدهـر ينصاديـه
وسلامتكم
« آخـــر الـــمـــشـــاركــــات »
03-Dec-2005, 03:03 AM
مستور العصيمي وحبيب العازمي
العرض العادي
