((((انا خديدي من سلايل عتيبه))))

[زياد السعدي]

هذه مصافحه أولى لي معكم في هذا المنتدى

بسم الله الرحمن في مبدى الابيـات=الواحد الفرد الصمد واعتنـي بـه
هـو عالـم بالبينـه والخفـيـات=سبحانه اللي ما انكشف سر غيبـه
بديت به فالشعـر خيـر البدايـات=من غيره اقوى لجل اجي وابتدي به
يالجاهل اللي تنشد انته مـن ايَـات=اسمع كلامي وافهمـه تهتـدي بـه
انا من اهل الجود واهل المـروات=اهل الشجاعه والرمـاح العطيبـه
لطامـة العايـل نهـار الملاقـات=رمي الهدف لامن رمينـا نصيبـه
ذباحة الحايل ولاجـات لا جـات=اللـي نبيـه بعـون ربـي نجيبـه
ما همنا هرجة حسـودي وشمـات=ماهمنـا مايدعـي ويهـذي بــه
حنا حزام لبعضنـا كـل الاوقـات=في سهلها واللي تسمـى صعيبـه
وحنا هل الفزعات لا جات فزعات=واللي زهمنا بسـاع نقـدر نجيبـه
وحنا هل العزوات وقت العزاوات=ابك العتيبي سعد من يعتـزي بـه
مجربيـن ايـام وقـت الجرابـات=بسيوفنـا يامـا كسرنـا الصليبـه
حقوقنا واللـي عليهـا الطلابـات=نجيبهـا بالطـيـب ولا غصيـبـه
الله فرقنـا عـن كثيـر بعلامـات=وهب لنا عـز ومـع العـز هيبـه
حنا خوال المصطفى واثبت اثبـات=واللي نزل في سنتـه نقتـدي بـه
لعتيبـه الهيـلا سـلام وتحـيـات=عداد من جـاء زار مكـه وطيبـه
برقا وروق اهل الكرم والشهامات=ياتـاج راسـي عزوتـي ياعتيبـه
اقولهـا مـره واباعيـد مــرات=ونعم بنـا ونعـم شبـاب وشيبـه
من دون ريـب فالقبايـل وشكـات=ونعم بهم مـن دون شـك وريبـه
كـل بفعلـه يبيحصـل مجـازات=واللي يقدم طيـب يجـزى بطيبـه
ياللي تنشد جتـك كـل الاجابـات=انا ((خديدي)) من سلايـل عتيبـه

آخر تعديل زياد السعدي يوم 13-Nov-2007 في 06:14 PM.