شاعر المليون " شخصيا سوف اصوت لهذا الشاعر "

[صقر الشيابين]

ونعم في هذا الشاعر وكل شعراء عتيبة ولاكن لجنة التحكيم فاشلة ثم فاشله

وصدق الشاعر : عبد الحكيم بن طلق العضياني العتيبي يوم قال هالقصيده

يالجنة التحكيم دوكم جوابي --- جواب شافي يسبر أغوار غسان
جوف السموع يسير سهل انسيابي --- على السعيد يمر تركي وسلطان
ولا علي ماظن مثله يحابي --- بس الشرور يعم لو كان ماكان
يالجنة التحكيم طار الذبابي --- على قمام الزور ظلمٍ وبهتان
سقتم ظعنكم جور وسط الزهابي --- يوم النتايج مخزية فعل خوٌان
ليل التلاعب مثل جنب الغرابي --- ولا نهار الحق مخفي ولابان
لو يستمر الحق حكمه غيابي --- لاتتعبون الناس تاتي وتنهان
أنتم بديتوا فوق هام السحابي --- بس النهاية بينة خير برهان
حدر القدم من فوق سطح الترابي --- امجاملة واجحاف واخلال ميزان
يوسف عليه تسل روس الحرابي --- أما هذا المليون فاله وربحان
لاجل المعارف والوسايط يجابي --- يمدح وغيره ماله أصحاب واعوان
انا ماذم الناس باسلوب نابي --- شعار ولا اتهم فلان وفلان
أنا انقد التزييف وارسل عتابي --- أصحح الغلطان وادل عميان
عسى يدل الدرب مخطا الصوابي --- ويصحح الفكرة ونيات الابدان
ظلاٌم يوسف مادرى بالحسابي --- في يوم فيه الحشر جنة ونيران
كلٍ شهد له طيب الشعر طابي --- من جملة الشعار من غير عتبان
المنصفين الشعر شيب وشبابي --- بيض النوايا حصلوا الصدق نيشان
يالجنة التحكيم زاد الضبابي --- عج التمادي ثار من كل ميدان
زيحوا ضباب الجو قدم الركابي --- العدل والانصاف للشعر تبيان
إما اعتراف بقول قولي غدابي --- زلة لسان انسان مغويه شيطان
ولا يكابر مقتفيه العذابي --- يرزح مع الغاوين خسران خسران
ونقول للشيخان جاه الخرابي --- برنامج المليون بيدين سفهان
يالجنة التحكيم ليه التغابي --- الحق حق وراعي الحق سلطان