قصيدة عبدالله بن سبيل في عتيبه

[عتيبي للابد]

ياعيـن ويـن احبابـك تـوديـن اللى الى جـو منـزل ربعـوا بـه
اهل البيوت اللى على الجو طوفين عَـدَّ خـلا ماكنهـم وقفـوا بـه
نزالهم تـذرى عليـه المعاطيـن تذرى عليه امن الذوارى هبو بـه
عهدى بهم باقى من السبع ثنتيـن قبل الشتا والقيـظ زل امحسوبـه
قلت جهامتهم من الجـو قسميـن الزمل حدر والظعـن سنـدوا بـه
يبغون مصفار من النيـر ويميـن الله لايجزى طـروش حكـوا بـه
قالوا من اوسمى نباته الى الحيـن ومن تالى الكنـه تملـت دعوبـه
شيالة الكايد على العسـر والليـن والى وطاهم موجـب رحبـوا بـه
زاد الصيف معهم بليـا مواعيـن وان شافو الضيف المطرق عدوا به
والى عطوا يعطون روس البعارين وان فات منهم شى ماحسبوا بـه
ما هم بربع بالمحاضـر قصييـن لو الحصيـل احمـار اتخاشروبـه
يذبون مـال فاختتـه الحواريـن يشدى تراطين الدول يوم جو بـه
والى تعلوا فوق مثـل الشياهيـن صاروا على بعض القبايل عقوبـه
لا تلها الراكب غدا الحبـل ثنويـن مثل المعشر راسهـا عنـد ثوبـه
عقب النكايف كنهـن السراحيـن ما قل يسعل قينها وانظـروا بـه
وان قيل عند اقطيهم ياهل الديـن فالمرمس اللى من قديم ادعوا بـه
ردوا عليهـم ردة تعجـب العيـن كل يبا النومـاس قـدم محبوبـه
هذا طريح وذا شنيـع الا كاويـن واللى تعدتـه السهـوم ارجلوابـه
ولحدودهم بمطرق الحـد حاميـن وقب تبـدا فـى برايـر كسوبـه
كم عز لوا ذيـدان بـدو عزيزيـن لو ما لهم سبار هم ورثعـوا بـه
ولحقوا بعيدين المساريح عجليـن وقالوا لرعيان الاخيذ ابشروا بـه
ووقفوا مثـل المظاهيـر مرزيـن بالماقف اللى بايعوا واشتروا بـه

[عتيبي للابد]

من كان يقصد ابن سبيل بهذا البيت
((ما هم بربع بالمحاضـر قصييـن لو الحصيـل احمـار اتخاشروبـه ))

و لكم جزيل الشكر

[عبدالرحمن الهيلوم]

السلام عليكم ورحمة الله وبركاته
الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين



مشكوووووووووووووور يالغالي 0 واعتيبه تستاهل اكثر وبن سبيل شاعر متمكن وعزيز وغالي

اما امعني !!!!!! فسيردون عليك اعتابه 0والمعني في بطن الشاعر


تقبل مروري يابو عتب

[محب الهيلا]

مشكور وماقصرت على النقل

[مهنا البرازي]

ونعم باالعتبان


ورحم الله الشاعر ابن سبيل مدح فأجاد المديح




شكر لنقلك القصيده ودمت ودام المتميز مما تنقل

[شاعر القوابعه]

مشكور يعطيك العافيه