مساجلة بين الشاعر عبدالله والقثامي والشاعر غازي بن عون

[صعوط المجانيين]

عبدالله القثامي







قم يانديبي شغل الجمـس وأقـدم
واحد ورى ألألفين فـك الوكالـه
جمسٍ حمر والترس صـمٍ مقسـم
سواقه اللـي فيـه مرتـاح بالـه
ماركبه الـورع الغشيـم إيتعلـم
ويفت كبد اللـي مفلّـس جمالـه
ماطب في المعرض ولاقالو إبكـم
من مصنع إمريكاء وجاني حوالـه
ينصى ألأديب معرب الخال والعـم
قرمٍ ليا شـان الزمـان إرتكالـه
غازى دخيـل الله وأنعـم وأكـرم
أرويس والروسان را س الرجاله
والجد ألأدنى عون في عون يلتـم
يلتم إبه طيب وشجاعه وأصالـه
مايرفعـه مـادح ولاينـزلـه ذم
فوق المديـح وطيـب الله فالـه
عليـه تسليـمٍ ســلام مسـلّـم
تسليم مسلم سالم مـن الجهالـه
ومـن القثامـي للسنافـي إيقـدم
عـداد همـالٍ تنـاشـا خيـالـه
عليه أبا أشكي الحال وأقول وأجزم
ماغير غازي في الـزوم إيعنالـه
قلبي خضر ومن الغنوج إمتحطـم
لوكان ماني من هـواة الضلالـه
حبه ياغازي سمني في الهوى سم
وآحد وغيره مايجـوز الثنـا لـه
أمسيت أصالي صالي الهم والغـم
وأون ونّةمن خذى القـوم مالـه
كنّه بقلبي من هوى الزين يشعـم
جمر الغضى في القلب زاد إشتعاله
غديت من ما جانـي أصـمٍ أبكـم
ولد ولابس ثـوب عـودٍ هلالـه
ميزة وليفي نضرته تبـري الهـم
من نضرته عقلي خطيـرٍ زوالـه
ماهو ياغازي ضمن ألأنس إيتكلم
وأبعد مجالي لن عصى عن مجاله
ولاهو بجني كل مـا حـن وأرزم
أقرى كتـاب الله وأجـود حبالـه
دا يم بسم عليـا ينـادى ويزهـم
وأم الكباير رمـز إلـه ويحدالـه
لاهو محلل لـي ولاهـو محـرّم
قربه بسيط المشكله فـي وصالـه
من دونه ألأنـذال تكفـر وتسلـم
وأنا سلومي مـا تحـب النذالـه
عود وثلاثه وأربعه خاضو الجـم
لاهـم بعمانـه ولاهـم خـوالـه
وأنا لو إنّه يطلب اللـي يبـا تـم
قلبي وعقلـي ياالعتيبـي فدالـه
لاكنهـا دنيـا كمـا غبـة اليـم
دبرة ولـيّ الكـون جـل جلالـه
دنيا المصالح والضعيف المعضـم
كلٍ علـى فكـره يدرهـم جمالـه
دنيا دنيـه كنهـا الليـل ألأضلـم
واللـي عليهـا فانـيٍ لاماحالـه
وبشرها نومن ونسمـع ونسلـم
لازل يـومٍ جـاء حليـه بـدالـه
أحدٍ بها مسـرور وأحـدٍ متنـدم
وأحدٍ بها في النا س يرثى لحالـه
وجدٍ وهو جالـس مغيـر إيتحلّـم
يملك جميع اللي بحلمـه طرالـه
يبني من العمران ساعـه ويهـدم
ويفوق ولينّـه يهوجـس لحالـه
وأنا ليـا حبيـت مانـي بمجـرم
في الناس غيري ما جرآلي جراله
تكفى يا غازي مـا يبيلـك معلّـم
انته حكيم ومن رجـال الشكالـه
كل الكلام اللي على خاطـري تـم
وأرسلت مرسولي بضرف الرساله
وإختامهـا اللهم أصلـي وأسلّـم
على رسول الله وصحبـه وآلـه







رد الشاعر الكبير غازي بن دخيل الله بن عون











عـداد همـالٍ رعـوده تــرازم
من رايحٍ بـارق خيالـه سرالـه
تواشين في ضرف ليـلٍ مسلهـم
على متون الارض مـرخٍ شالـه
لامن برقـه فـي مزونـه تبسـم
على شيال الليـل يرخـى بوالـه
بالليل كـن الارض عـذراً ملثـم
وليا برق عن وجهها الستر شاله
يفرحبه المسني مثـل فرحـة الام
ولابولالفو عقـب غابـو عيالـه
مزنه كما وضـحٍ عجـالٍ تداحـم
ألطافـحـه قدامـهـا والهـلالـه
من الشرق ذعذاع الصبا له تنسم
يلقـح الحايـل ويقهـر عجالـه
يقوله الله فـي الكتـاب المكـرّم
بين لنا إن الريـح يلقـح حيالـه
لارسل عليه الريح بمـره تراكـم
وفالودق عبره لن خرج من خلاله
يامرحباء باللي على الجمس ألادهم
اللي من الطايـف لفـا بالرسالـه
جاني معه برسالةٍ من ولـد عـم
سنّد علـى القيـل ممـا جرالـه
اثـر العيبـي بـا لمحبـه متيـم
بعد كشفنـا مـا يـدور بخيالـه
لو عشقته جماً تقود أجمـل الجـم
دقاقة عـلاوي والبواقـي جلالـه
كن الزبيدي في حما صدرهـا زم
والوسط لاهب النسيـم إ ستمالـه
دورتها لو هي ورى يـام وأدهـم
بطول البلاد من الجنوب لشمالـه
وليا لقيت اللي بها الحسـن ملتـم
إن كانها جت بالرضى والسهالـه
ولاغزيت الها بجيـشٍ عـرم رم
ومن حدنا عنهـا نتفنـا سبالـه
مير ابن عايض عشقته ليلها اضلم
من عقب ابو زيد وعزيز ابن خاله
بعد الثنين وبعد ابن صيفي اكثـم
جرى لعليا مـن دهرهـا عبالـه
بعـد الثلاثـه مستواهـا تحطـم
اللي ضعنهم شـد عنهـا رحالـه
وباقي ثلاثه كل منهـم مخضـرم
ودليهم تاخـذ مـن المـا زلالـه
في ما مضى تردعهم اسلوم وشيم
واليـوم قامـو ياكلـون النخالـه
وعليا تنوح وتذرف دموعهـا دم
من يوم جرد وجهها مـن جمالـه
ومدامها هالون عـن حبهـا شـم
وطو الرشاء عن عدها والمحالـه
وأدرس صحيحي البخاري ومسلم
وخل الهوى المشبوه مالك ومالـه
من يوم قام النار ينفخها الاشـرم
والكيـف راح ولابقـى الادلالـه
منولٍ لياجا اللي على الكيف مضرم
يقدم لـه الفنجـال قبـل البيالـه
وعليا حماها مثل دار ابن الارقـم
وعشاقها اهل العرف واهل الجزاله
واللي بها قلبـه مهايـم ومغـرم
يدفع لها المطلوب من حـر مالـه
واليـوم عاشقهـا هدفـه إيتغنـم
جنب دروب الطيب لاطـاب فالـه
محبوبها لاغـاب ملـزوم يعـزم
ولايجـي لافـي كـود بالكنبيالـه
بـروس المجنـن للحلاقـه تعلـم
وقبل يحلق الراس يشـرط ريالـه
ومن ذاق در الديد لو كان يفطـم
يرضع منه لو كان دونـه شمالـه
واللي يجي معجـم نـرده مترجـم
هذا جـواب اللـي لفانـا سوالـه
وسلم عدد وبـلٍ مزونـه تهشـم
يا صاحب عندي سلوكـه جلالـه

[أبو حسان]

تسلم يالغالي على هذه المساجلة الرائعة

[ابوبجاد الرويس]

مشكور يالغالي

ولاهنت على المساجله

وتقبل مروري يالغالي

[متعب العصيمي]

صح لسان عبدالله القثامي وصح لسان غازي بن عون
ولاهنت على النقل..
موودتي..

[صعوط المجانيين]

بـــــــــــــــــــــــــــرق

الله يحييك أسعدني مرورك

[صعوط المجانيين]

أبـــــــــــــــــــــــــو بــــــــــــجـــــــــاد

الله يحييك

مرورك تكريم يالغالي

[صعوط المجانيين]

مـــتــــعـــــــب الـــــــعــــــصــــــيـــــــمـي

مرحبا مليون

أسعدني مرورك

[عبدالله القثامي]

الغالي صعوط المجانين

الف شكر لك

اشكرك من كل قلبي

التوقيع

القاف لن باحت قوافيه ينهار= يشيب لاكنه معي مايشيبي وصرفت من بالي تصاريف بيطار= ينقد مثامين الكلام ألأديبي وبنات فكري بالمثامين تجار= وعلي مايصعب صعيب الصعيبي ولأقول ما غيري من الناس شعار= لأكن ميزة شعري إني عتيبي أسمٍ بنا في عالي المجد ميكار= عز الرفيق منزحين الحريبي

[صعوط المجانيين]

الشاعر / عبدالله القثامي

يامرحبا ترحيبة المطر

ماسويت الا الواجب طال عمرك




أسعدني مرورك يالغالي