نشوى الرويني !

[بدر نواف]

( لاشك ان ما ترمز لهم هذه البويتات ليسوا بجميع المشاركين حتما ، فهناك مبدعين يمثلون الشعر بوجهه الصحيح و واجهته الصحيّه وهم بعيدون عن الشك كما يقال )





فالك المليـار يـا نشـوى الروينـي
خلّـي المليـون للـيّ صفقـوا لــه
فـي سجّـل مشجّعيـنـك سجّليـنـي
بعد ما فزتـي علـى عيـال الحمولـه
لا جمعتيهـم علـى سمـن وسمينـي
أسمني .. وأخذي من السمن العموله !
جـابـك الله للبـنـات وللبنـيـنـي
والولد مهبـول .. والبنـت مهبولـه
تـاجـري بعقولـهـم والله يعيـنـي
يـوم قـام العنصـري يتبـع ميولـه
حرّكـي فزعاتهـم فـي كـلّ حينـي
وخلّـي النخـوه تقـول اللـي تقولـه
بالرسايل مـن يسـار ومـن يمينـي
جاك فـزّاع العـرب يشعـب ذلولـه
هكـذا حنّـا علـى مـرّ السنيـنـي
مـا نمثّـل غيـر بـأدوار البطـولـه
فـي دولـنـا .. زادوا المتنبّييـنـي
وكلّ متنبّي لقـا لـه سيـف دولـه !
يذبـح ويصلـخ ويومـي باليديـنـي
بالحـركـات البطـيّـه والعجـولـه
كـل مـا زوّد حمـاسـه حبّتيـنـي
أنتثـر حبّـه وشالـه فـي حثـولـه
يجلـب المحضـور بيـن المسلمينـي
والجماهيـر المجانيـن أهتفـوا لـه
يحسب أنـه يملـك العقـل الذهينـي
ينظـم مـن الوهـم مرجانـه ولولـه
لو فرضنـا الشّعـر مدلولـه ثمينـي
أستباحوا فرضـه وعرضـه وطولـه
روضـة ٍ عيّـت تسـرّ الناظريـنـي
وكلّنا داريـن فـي الوضـع وحلولـه
مـا نعيـش بخيـر وحنّـا غافلينـي
( عن كتاب الله وعن سنّة رسولـه )



وسلمتوا ،،

'طبعا القصيده

للشاعر المعروف ســداح العتيبي

[Man من العتبان]

صح لسان شاعرهاا ولاهنت يا ناقلهاا

[محب الهيلا]

مشكور وماقصر

[الشامخ.العتيبي]

كلامه صحيح
وصح لسان الشاعر
والله يعطيك العافية يا بدر

[راع العوجا]

اشهد بالله انه صدق

وجابها والله على الوتر الحساس , الله واكبر حتى المصريه قامت تلعب على عقولنا اه اه .

تسلم على النقل الرائع للقصيده الطيبه وصح لسان شاعرها .

[مرزوق حمدان العتيبي]

يذبـح ويصلـخ ويومـي باليديـنـي
بالحـركـات البطـيّـه والعجـولـه
..
صح لسان المبهر سداح
وطاب ذوقك ... يابدر ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD