مقعد الدغيلبي ((وينك غايب ))

[معجب العتيبي]

سعود العصيمي

سلام الله سلامٍ مثـل ريـح العـود والكنبـود=تحيـه وافيـه مقرونـةٍ بالعـود والـكـادي
نبا نسري مساري الذيب الاشهب فالليال السود=مادام الوقت هذا راح كلـه حـرب وجهـادي

مقعد الدغيلبي

هلا واهلاً هلا وارحب تراحيب الوفاء ياسعود=تحرك واحترك والليل تـوه والقمـر بـادي
تبا تسري ونسري لين نارد عدها المـارود=لكن ابعد نظر واسبح بحر والدرب منقـادي

سعود العصيمي

يدوم الك البقاء عداد ماهبـت هبـوب النـود=وانا ابا اترك لك اللي حدرت مع فيضة الوادي
انا مبغى وصية فاللـزوم الـلازم المقصـود=لكـن الليـل والميعـاد فالبصـره وبغـدادي

مقعد الدغيلبي

تذكرنا الليال البيض اذكـرك الليـال السـود=ولكن لاتعجل واستمع فـي نشـرة الـرادي
تلوح بروق سد بروق واسمعلي رزيم رعـود=تبا تمطر على هاك الضريح اللي ورى الوادي

سعود العصيمي

لك الله مانفكك لين تـروح ريحـة البـارود=مادام انك شجاع وماشيٍ فالـدرب متحـادي
ترا بعض السوالف ريعها ياصحاحبي مسدود=عليك الهون ابا علمك في عنتر و شـدادي

مقعد الدغيلبي

انا خابرك مثل البندق اللي تنفجر من زود=وانا ماني هذاك اللي بصف عزيز البادي
تعلمني وانا خابر بضلع طويق كم نمرود=نويت اعيّد بها يالعصيمي قدم الاعيـادي

سعود لعصيمي

ابا حدك وصدك لين تعرف حدك المحدود=اخذها كاش يافرناس ماعندي بالاقصـادي
وانا شايف بضلع هذيل يامقعد ثمان قرود=ثمان قرود تبغى الصيد راحت عند صيادي

مقعد الدغيلبي

يقولون القراده يالعصيمي عشّقـت المقـرود=ولا لك عندنـا الا ركبتيـن ومـوس ردادي
تدوش افكار ثم تحتار بس الجود نبعه جـود=هذا العلم الصحيح ومن يصيد الصبح ينصادي