اختيار تصميم الجوال
|
|
|
« آخـــر الـــمـــشـــاركــــات » |
أدوات الموضوع | انواع عرض الموضوع |
|
18-Feb-2008, 04:52 PM | رقم المشاركة : 1 | |||
|
لافي الغيداني..برقا وروق ..وبني سالم ومسروح
وانـا اعتبـر نفسـي هنـا بالنيابـه عن حرب ربعي بني سالم و مسـروح اهل الوفا من قبـل عصـر الصحابـه واهل النقا اللي دونه الوجه ممسـوح سـلام يالهـيـلا قبيـلـة عتـابـه سلامٍ اسوقـه مـن الـروح للـروح نفحة شـذا ريضـان نبـت السحابـه معـه عليكـم ينبعـث منـه ويفـوح مـن بيننـا مـا بالمحبّـه غـرابـه لها بوسط قلوبنـا ابـراج وصـروح للوصـل بجسـور التواصـل صلابـه حقايـقٍ ماهـي بقاويـل ومــزوح ياللي علـى صـدره نقشتـوا كتابـه صدر الكتاب اللـي للامجـاد مفتـوح على جبينـه ياجـده مـن قـرى بـه تاريـخ سيرتكـم مـدوّن و مشـروح صافح جبين الشمـس عـز ومهابـه احدٍ عنه راضي و احد منـه مجـروح لـولا بيـاض فعولـكـم والرقـابـه على سفوحٍ دونهـا سفـوح وسفـوح لطّامـة العايـل ليـا جـاك مـابـه ذبّاحة الحايـل لـو الـزاد مشحـوح فيكـم علـى تكفـى طلاقـة ذيـابـه وعلى ونعم فيكم ضرم راس مشفـوح تاريخكـم بالطيـب كـلٍ درى بــه وعلى ماقيل العلـم مقفـي ومنطـوح الطيـب ياعتابـه لبسـتـم ثيـابـه قول وفعل والكلمـه اللـي لهـا روح واللي رجـا عفـوه يسابـق عذابـه حفّاظ بيض وسـود الاعمـال باللـوح لو ماني محاسـب علـى كـل جابـه انـي لقـول بكلمـةٍ حــدّ ذابــوح ذي افعالكم من غيركـم مـا تشابـه لكن بظلـم النـاس مانـي بمسمـوح ايـه احتـرم حـق القبايـل واهابـه والظلم عنه العبد منهـي و منصـوح مـا تنهـب حقـوق القبايـل نهابـه حتى اني انسفها على ظهـري واروح لكم اخشرى بالطيب مـن كـل لابـه الطيـب حـقٍ للاجـاويـد ممـنـوح مثـل المجـم اللـي عـذيٍ شرابـه كـلٍ بدلـوه يـارد الجـم ويـمـوح ما يغـطّ نـور الحـق ويصـك بابـه الا ضعيف العرف و قصيّـر الشـوح عسى السحاب اليـا تراكـم ضبابـه وبروقـه تفـرّق مثانـيـه وتـلـوح على وطـن صقـر العروبـه عقابـه همالها يروي عطش كـل صحصـوح غيثٍ ما يذكر للضـرر فيـه اصابـه صحه على ماقالوا النـاس وصحـوح ليـن يتشابـك نبتهـا تقـل غـابـه وروس الزبيدي كنّها المرو بالصـوح يا موعد اصحـاب الدعـا الاستجابـه اجب دعانـا يامجيـب النبـي نـوح حاولـت تجنيـب الخطـا وارتكابـه وان حصل .. مطلوب يعفو كل طحطوح قصيدتـي تختـال كبـر و صبـابـه علـى معانقهـا سمـع كـل ممـدوح وختام شاعرهـا مثـل مـا بـدا بـه الا انـي بكلمـة شـرف ودي ابـوح تدرون من اولى لبعض مـن شبابـه برقا و روق و بني سالـم ومسـروح |
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|