الـشـاعـر سـلـطـان الـجـلاوي(سـهـم عـتـيـبـه)

[ع ا م]

اخواني صحيح اني لست عتيبي ولكن يشهد علي الله اني اعزهم واغليهم

لما فيهم من نخوه وتقدير للاجناب وعز الله خويهم ماراح احد يقربه مدامه مع عتيبي

من غير قصور في ربعي لاني مالحقني شكه فيهم بس اوضح مدى غلا عتيبه عندي

والله ثم والله ثم والله ان سيارتي كلها محاورات لسلطان الجلاوي وانا لست عتيبي

لانه شاعر متمكن وحماسي وصاحب مووايل رائعه يعني بالاصح انا اعرف واحد

في سلطان لان محاوراته جميعها عندي فـ رداً على من يقول ان الجلاوي ليس شاعر معنى

اقول غلطانين سلطان في الطواريق قليل الي يعرف معناه او قصدهـ واحياناً يقصد

انه يوضح معناه ولكن فيه محاورات والله مادري عن وش يتكلم وابي اذكر لكم اخر

محاوره له في النعيريه شاري شريطها امس جاب موال القرقاح مافهم معناهـ الا بعد

ماكرره عليه الجلاوي وقال ماتوقع انه تبي تتعداك تدرون وش الموال

انا همومي كلبوها من الي ... قرنه ع حد الردوف متدلي
لاكنها ملعونة ماتصلي .. الحظ جابك والله الي رفعني

من منكم يالي تقولون سلطان مايلعب ع المعنى يفهمنا وش قصده في الموال ؟؟

هل هو يتغزل لا ماضنتي ولو كان يتغزل ماقال لمحبوبته انها ملعونه وانها ماتصلي

وهذا الي واضح من رد القرقاح ومن رده هو ......

وفي الختام احب اقولكم ان سهمكم ليس فخر لعتيبه فقط وانما لساحة الشعريه كامله

واتمنى اني لم اطيل عليكم وتقبوا فائق تقديري واحترامي