معركة طــلال...أم المعارك...( التاريخ الكامل)

[الســــــكب]

الاخ الكريم/ داهية عتيبة

شكرا جزيلا لك يا ابن العم

ومني لك مثلها وازود

اخوك السكب

[صدوق]

السلام قبل الكلام
لايسعني إلا ان أشكرك جزيل الشكر ياخوي السكب على هذا الموضوع الشيق الذي هونادر من نوعه (كون طلال )ولاحصل في الجزيرة العربية مثل هذا الكون إطلاقاً .
انا قريت الموضوع كاملاً وقريت الردود علية من الاخوة كلها الاربع صفحات . ولدي تعليق بسيط على كلامك مع الخيال في الصفحه الرابعه ,الخيال الله يهدية قال كلام مايدخل العقل .
وشلون شيوخ القبيلة يصير بينهم مشكلة كادت انم تؤدي مسلط إلى الموت ولا بعد في الحرب (ابو سنون شيخ الحبردية طعن الامير مسلط وبغا يذبحه على شانه قتل المنعا )وووويين يابو الشباب .
سألت عن هذا الكلام شيباننا الله يطول فاعمارهم (فالشبة عقب المغرب)قالوا لاصحة له هذا كلامن مقوٌل .
امأ بالنسبة لسؤالك ياخوي السكب للخيال يوم تقوللة وش سوو الحبردية في كون طلال .
اسمح لي اجاوب على سؤالك :
طيب وين فعل الغنانيم ووين فعل الخراريص ووين فعل الفراهدة ووين فعل المغايرة ووين فعل القساسمة ووين فعل المورقة ووين فعل المهادلة بالاضافة إلى الحبرية(ذوي عطية)ووين فعل العضيان والدماسين والغبيات والحفاة والحناتيش والذيبة والمراشدة وغيرهم من الروقة !!!!
يا خوي العزيز ان كنت تسأل عن فعل الحبردية ,الحبردية وغيرهم موجودين فالمعركة كل الروقة فقط مشاركين,كل الافخاذ اللي ذكرتها فوق مشاركين .ماهوب لازم ان شليويح يعدهم واحد واحد في قصيدة فلان وش سوى والآخر وش سوى . شليويح ذكر مدوخ وابن صلال والجلاوي لانه الثناء المعركة كان من القريبين لهم ويشوفهم وانت تعرف المعركة كبيرة وفرسانها واجد وشليويح فاضي يشوف فعل ربعه وإلا بقاتل معهم .واكتفى شليويح بذكر مزحم ومزحم تضم ذوي عطية وغيرهم:

نخيت مزحم سعد منهم ربعة .........يوم اللقى زادوا ورى الهقاوي

وايضاً اكتفى بذكر طلحه وطلحة تضم الذيبة والحفاة والدلابحة والحناتيش وغيرهم

كن الجنايز في نحاوي طلحة ............جدع الخشب فالوادي السناوي.

ويكون بعلمك اخوي ان الفخذ الكامل من بد الروقة اللي ماتخلف منهم ولا واحد والكل يدري هم الحبردية ,والبيرق هم اللي يسوقونه او العطفة اللي راكبتها مضاوي اللي يسوقها هو من الحبردية ذهين بن زويد بن مخيزم
يوم مضاوي تقول فيه في بداية المعركة:

ياذهين رموا بالعمايم.........وإلا رميت ببخنقي
ياذهين خل الدم سايل.........خل المتللي يلحقي

ومضاوي تراها ام الامير مسلط (مضاوي بنت الهيضل )
الحبردية شاركوا فالكون بقيادية مطلق ابو سنون وابلوا فالحرب وكلن خابر ن فعلهم ولافيه رووووقي مايدري عن هذا الشي إلا من جهلللللل؟
ومن فرسان الحبردية الذي ابلا بلاءً حسناء ووقف امام العدو الفارس زامل بن هجاج السللي الحبردي وغيرهم الكثير .
الحبردية لهم أفعال وفيهم فرسان ماهوب لازم يطلعون في كون طلال .
عندك نفال الحبردي المسمى بحنشل لحالة :هذا يغزي لحالة ويكسب ويعود لهلة ومواقفة واجد وغزاوية واجد .
خلاصة الكلام كل الروقة مشاركين وكل امير فخذ مع ربعة فالكون يقاتل


هذا ماحبيت افيدكم ابه من مجالس الشبة مع الشيبان كل لالة وكلامهم واحد وكل ماذكرت انت ياخوي السكب صحيح 100%.

وأخيراً تقبلوا تحياتي /صدوق

[حامي عتيبة]

السلام عليكم جميعا:


ملاحظة مهـــــــــمة:

# معركـــــــــة طلال شـــارك فيهـــــا جيش محمد بن هندي من برقا

وقد ذكرت في الأبيات بعد كلمة برقاوي

( إلا محمد ... ) ويقصد فيه محمد بن هندي


.....................................وسلامتكم

[بريك الذيابي]

الف شكر اخوووي السكب ماقصرت يالغالي تقبل تحياتي / بريك الذيابي ...>>

حنا مراجلنا على هبه الريح = لا خالف الواجب عيال الرخوومي