يكفيك أبن هندي ومصلط وهذال!!!

[داهية عتيبة]

هذة القصيدة لشاعر الوطن اللواء / خلف هذال العتيبي

ياما حلا المسرا بعيد عن الانذال=في ليلةً يطربلها كلا ساري
مسرا مع الفج الخلا عز وجلال=متشطرن ما خضت في عرض غاري
على خطاة مشومرن يقطع اللال=تدفن مداهيلة هبوب الذواري
أجمع عشر من البل وتصير وبال=واختر فحلها مع جنبها مباري
البل لها في مهجة القلب منزال=ملايح القصاب سفن الصحاري
مراجلن يشقابها كل رجال=أفلاس بايعها نواميس شاري
يكفيك أبن هندي ومصلط وهذال=ومن شمر العاصي وبرغش وضاري
لقيت في الوحدة سكون وسعة بال=بعيد ما عندي من الهم طاري
أرجع الذكرى على روس الاجلال=وامرح خلا بين الحجل والقماري
ما همني جمع المرابي للموال=عزيز يوم امسيت جوعان عاري

تحياتي

[فرهودي]

الرسالة الأصلية كتبت بواسطة داهية عتيبة

البل لها في مهجة القلب منزال=ملايح القصاب سفن الصحاري

الله الله...

رائعة بروعة قائلها وناقلها..

لاهنت ياداهية عتيبة ..


فرهودي

[الســــــكب]

تسلم والله يا ابن العم
داهية عتيبة
قصيدة رائعة من شاعرنا الأروع ابو هذال

لكن ابي اسألك ياطويل العمر
هل شيوخ شمر اللي ذكرهم ابوهذال
وهم العاصي وبرغش وضاري كلهم من آل طواله؟؟ ارجو الافادة
وشكراا

[((الدلبحي))]

تسلم يابن العم

يعطيك العافيه على المشاركات المتميزه

تقبل تحياتي

[ابن مشيب]

صح السانك ولسان الشاعر الكبير ابو هذال.........


لاهنت ياداهية عتيبة على هذة المشاركة الرائعة.......




تحياتي.......

[طويل الذراع]

ماقصرت يابن العم قصيده جميله



تقبل تحياتي

[داهية عتيبة]

أخواني


فرهودي
السكب
الدلبحي
ابن مشيب
طويل الذراع


أسعدني مروركم الكريم




تقبلوا تحياتي..

[سبع الجزيرة]

ما قصرت على هذه القصيدة

الطيبة

[داهية عتيبة]

أخوي السكب

أما بالنسبة لسؤالك

فأنا على حد معرفتي بان برغش هو برغش الطوالة وضاري أيضأ من الطواله وأما العاصي لا اعتقد هذا ما أعرف والله أعلم

تحياتي ..