قبلان الدعجاني
وين بندر ياعتيبه حان دوره = للتفاهم .. والمعاند .. والتحدي
كل شاعر يفرقه طبعاً حضوره =لو يحط .. ولو يشيل .. ولو يودي
بندر المرشدي
بلغوا قبلان فالدعوى خطورة=كان موضوعٍ يسولف عنه جدي
شاعر المعنى ماهب لعّاب كورة=هات علمك يافتى وابشر بردي
قبلان الدعجاني
الكتاب إن كان ترجمتوا سطوره =صرت فالصف الامامي منت ضدي
ياعساك السيل ياوادي شروره = وكان ماشفت الحيا ماباح سدي
بندر المرشدي
في غلاف كتابك المذكور صورة=ذكرتني صورة كانت لجدي
ارقب المرزم تحرا مع ظهورة=الغصون اليابسة يمكن تندي
قبلان الدعجاني
المحرم جايز ٍ وقت الضروره = والمهاجم مايفكر فالتصدي
فالمصامخ كل رجال ودوره = وللطويله يأبيض الشارب نعدي
بندر المرشدي
صايرا في تالي الايام ثورة=والمجامل مايفيدك والتجدي
غلطة الشطّار ماهيب مغفورة=وانت مسرع ياطويل العمر هدي
قبلان الدعجاني
الخميني محتصن داخل قصوره = قايم ٍ حظه ماظنه بمتردي
الفرنجي تختلف حسبة شهوره = وانت ودك مير انا ماهو بودي
بندر المرشدي
الخميني يوم شاف خوان نورة=قال ما انتم في علوم الطيب قدي
تدري اني فالخليج اسبح بحورة=كفي الطاهر هذا ما ناش خدي
« آخـــر الـــمـــشـــاركــــات »
21-Mar-2008, 11:55 PM
العرض الشجري