أبو مناسيب .. شد حيلك واسر يا ساري

[معجب العتيبي]

أبو نجر النفيعي

هلا مرحبا ترحيب ياصلك ويقيم = وترحيبنا للي عزيزٍ وغالي!!
ابا اعلّمك لن كان تحتاج تعليم = عقب ما فلتّ من الذلول العقالي!!

أبو مناسيب

يدوم البقابك عد ماطرز الغيم=ياراع العلوم الوافيه والجزالي
على الهون ياللي تنطح العلم وتهيم=لك الله لذب سهولها والجبالي

أبو نجر النفيعي

يبالك جماهير و يبالك مفاهيم = وينقصك فيها يا كريم السبالي!!
ولا ياولد غازي عليّ الملازيم = لتبطي عظم ما جبت.. رمح الهلالي!!

أبو مناسيب

جماهير ابن غازي حشود وصواريم=رفيع المقام وعشت والراس عالي
ليا صار به تفريق وضح ومجاهيم=علي الحرام اني لذب الطوالي

أبو نجر النفيعي

و أنا أقول لك صادق وياليتها تديم = (وترا الحضرمي باقي يصرّ الريالي)!!
مواخير يا رجّال والا مقاديم = تبا تفرق الاثنين سود الليالي!!

أبو مناسيب

مدامي صدقت تميز السين والجيم=لاتعطي جوابٍ فيه بعض اختلالي
تراني معنزلي على اهل التصاميم=ولي خبرة تاسعك يبن الحلالي

التوقيع