علي فلاح العضياني
يا العازمي صار الطلب عليك فالموقع كــثــــيـــر=الله يعينك ... والرجال الله عليك يعينها
آثرك ماشالله متطوّر مع الوقت الاخير=بس أكثر الشعار دينك ما يوافق دينها
العازمي
العازمي من يطلبه يلقاه لايمكن ينير = في ماقف التشريف دايم وقفته في حينها
ماعندنا تفريق في شاعر صغير ولاكبير = ام الكباير لارمينا ,, سهمنا في عينها
علي فلاح العضياني
صحيح من يلقاك فالميقاف يلقى كلّ خير=يا زين وقفاتك على وضح النقا يا زينها
يا الشاعر اللي ما تميّز .. صدق ما عندك ضمير=راحت علومك وين و فعولك هذيّه وينها
العازمي
انته مع اقناع الصداقه جيت تسحبلك حضير = ترميه في درب العرب وانته تطيح ادوينها
انشد حطيئه والفرزدق وان بغيت انشد جرير = لاواخسارة هقوةٍ فيك العرب هاقينها
علي فلاح العضياني
الله يعينك شيل حملك فوق ظهرك يا بعير=انته وغيرك ناس من بدّ العرب ناوينها
أنشد و أنا عندي خبر ؟ يا حيف هذا ما يصير=يا راعي السابق وراك تطيح بين يدينها
العازمي
ياطير وان كسّرت جنحانك بعدها ماتطير = الكلمه اللي قلتها قبلك ترى قارينها
ياصاحبي واليا مشينا يتعبك طول المسير = تشكي ونا ,, تقعد خلا ,, وتقول داري فينها ؟
علي فلاح العضياني
إتقولها وانته هنا غرقان فالبحر الغزير=فعل الذراع يعزّ له ناسٍ و ناس يهينها
إسر على النور الطويل أحسن من النور القصير=و نطّل بسيارتك فيسار الطرق و يمينها
العازمي
وزارة الصحه بعد مازوّرو ختم المدير = الساقط اللي مانجح ,, ينجح بعد تسنينها
ولّيت ياوقت المجامل ,, فيه نار وزمهرير = انته وغيرك ناس واجد بالعصا رابينها
علي فلاح العضياني
إتذمّهم وانته منوّم عندهم فوق السرير=ترى الوزاره ما بريت الاّ بعد تتيينها
كان العوازم عندهم في ما مضى سمن و مضير=واليومه احسن للعوازم لوّ تجلب ضينها
العازمي
العب وقض الوقت والا حط من دونك شوير = حنا قنعنا من خيامٍ فالخلا بانينها
اليا نطنّالك طعم ياسرع ماتركض مغير = هاذي غريزه فالنفوس اللي تكاثر دينها
علي فلاح العضياني
طحت لك يا رجّال في ليلٍ عبوسٍ قمطرير=والله ما تنساه في عسر الليال و لينها
كلمتك هذيّه خطيره حولها معنىً خطير=ان كان عندك طعم جاك من السما شاهينها
العازمي
بالعكس دربي معك دايم تفرشه ورد وحرير = انا هجوسي معك دايم معتلي تمكينها
بعض النوايا طيّبه لو ظاهر الموضوع غير = ماالله رزقك الكلمه اللي من عقل تثمينها
« آخـــر الـــمـــشـــاركــــات »
25-May-2008, 12:30 AM
العرض الشجري