عـــــلـــي فــــــلاح العــضـــيـــانـــــي . تفضل .

[قادح شرار]

قادح شـرار :

سلام الله مثل سحاب ٍ فيه براق ورعد = والذيب يعوي مير يبغاله ذياب تجاذبـه
نادولي الفالح علي ..عن ماقفه لا يبتعد = يكره يقابل قادح ..وقادح يجيه ويطلبـه

الفالح علي :

يا مرحبا يا شاعرٍ طالع من اليوم و بعـد = واللي مضت لك تعتبر محاولات و تجربـه
صحيح أنا أكره من يلوّ الحبل و يزيد العقد = وآفرح بشروايه ليا قامت صفوف الملعبـه

قادح شـرار :

العام برّكنا بعيرك وأنـت خابـر يـا ولـد = برّكته فوق زاره بعد ضربة جاتـه فركبـه
خابرك تكره من يهد الجدر من فوقك هـدد = شخص ٍ ليا شاف الحنش يقص راسه وذنبه

الفالح علي :

إبعيرنا يهدر على الناقه وجاين لـه زبـد = إن كان برّكته طبيعي شـيّ مـا نستغربـه
مع إحترامي لك تراك مع الجماعه ماش أحد = والبدو ما ساقت ضعنهـا للدّيـار المجدبـه

قادح شـرار :

ليت البعير الأول فليلته يا عالـم رقـد = من بعد ما خلّف بعير ٍ كل قوم تسحّبـه
بعض البدو لا ضاع حقه قام بعلوم وقعد = والحمد لله قادح مريّح ..ويدهن فشنبه

الفالح علي :

الناس يا قادح تقول الشبل من ذاك الاسـد = والثعلب أصل ابوه ثعلب وامّه أصلاً ثعلبـه
أدهن شنبك و روح عنّا جعل عينك بالرمد = واللحيه ادهنها ترى دقنك ما تصلح غير به

قادح شـرار :

تحفر فقبرك وأنت ما تدري ويطبقك اللحـد = الموت جايك مقبل ٍ وأنته ترى مـن سبّبـه
قالولي إن أسمك علي وأسمك طلع عبدالصمد = والدرب قدامك عَـوج لكـن منتـه منتبـه

دام الأستاذ معجب ما نسقها قلت أنا أجي وأنسقها . وأخوي معجب ما يقصر طول الله بعمره .