كون الاشعريه

[بجاد علي]

على طلبك ياسعيفان الهيلا يقول سعود اليابس:

أول كلامـي طلبـت الله وذكــره= ذكرت ربـي كـل بـادي نـور
يقول بن حافـي بـدا راس مرقـب= في مرقب عالي بـروس القـور
يرد مـن زيـن المثايـل وينتقـي= مثل العسل حلـو بـدون امـرور
كلام أحلى من لبن شمـخ الـذرا= لاروحت مـن حاجـرممطـور
خيّل خيال طلعة الشمس وامطـر = وبله من الدم الحمـر شختـور
وبرقه من أيمان النشامـا سيوفهـم = ورعده من افـواه السـلاح يثـور
قبلـي خشم(نطاق)لاطقـه الحيـاء= شمال من العـد الهمـاج حـدور
طاحوا به الفرسـان منـا ومنهـم= وردوا هل العاده علـى الصابـور
نطحنا العداء من يوم جتنا جموعهـم= على سردهـم والبيـرق المنشـور
وسقيناهم السـم الذحـاح وسقونـا= مثـل نمـور صادمـت لنـمـور
وابن لغيصم طاح منا علـى الثـرا =ونحدهـم عـن مالنـا بـحـدور
ياذيب ياللي بايمن النيـر وايسـره= كل من جثايا الخيل يـا معثـور
وكل من الصبيان والجيش والرمك = والى ظميت اشرب من المنجـور
تلقا على الساقه حصـان ومهـره = وتلقـا عيـال لابسيـن اكـمـور
وصوت لذيـب يـم حشـة مليـه = وخلـو لغيـاب السبـاع جـزور
كم صاح غب الكون من شمرية= حناهـا طناهـا حـنـة البـاكـور
تبكي على ابوها واخوها وعمها= معقب(ن) فاقصى الضمير حرور
على مورد الهياب جرت صياحها= بعد طاح منّا والرمك دعثور
من اولاد حافي لابتي طاح وانعثر= أهل ماقف يـوم اللقـاء مشهـور
كـدو علينـا ثـم رجعنـا عليهـم = واقفت بهم جرد المهـار اعبـور
وردوا علينـا وردة فـي عزيمـه= وهج الحلال وزرفـل المظهـور
وأحاطوا بنا قوم تهاذب خيولهـم= ولجة حداويهـم علـى المامـور
ورمينا العمايم واعتزينـا بحافـي = وثبـت لهـم كـل أبلـج منعـور
وطاحن جياد الخيل من ضرب لابتي = والـدم الاشقـر بيننـا منـثـور
وحمى طوارفنا سمير وزايد= وعيا على التاليـن بـن صمعـور
وانفكت اللقـوة بكثـر الرزايـا = وكل خـذا حقـه مـن الميسور
جنايز الضفـران حافـي وشمـري = أمسي بها سبـع الخـلا مسـرور
واربعي اللي كل ما قلـت أظنهـم= لاكـن يهـدم بالـبـلاد اقـصـور
عقب المباني والحياه الزانه=راحت مبانيهم خصف وخدور
أهل مرحبا وان جت ليالي الشدايـد= وأهل الكرم وان جت ليال اعسور
ياحيسفـا يافرز عيد القوايا= يوم الردى عـن خاطـره مثبـور
وان قلت ياقلبي تريح عن العنا =يطري علا قلبي سهل وسرور
أيضا وابن هزاع وعميـش قبلهـم= وحزام شـوق الجـادل الغنـدور
وجدي عليهم وجد من بات ساهـر = يجر العواء من عظمه المكسـور
والوجد الاخر وجد راعـي شوايل= خذاها الذويبي من طرف مجـرور
وجدي عليهم وجد من باع ذمته = لقو عليه الطيبين عقور
ووجدي عليهم وجد من حودروا به=اهل غل عدوان القلوب كفور
اصابته شكواه من حاكم البلد =يداه مغلوله وهو مقهور
وابو خشيم اواق علينا بفزعه =اواق وليا جونا مخطور
والله مااذم الاد مرشد بفعلهم=وفي مثلها يستاهلون السور
مثل السمره اللي تواخوا منيعهم = اللي منعهم عايش الطيّور
اخذ بنادقهم وهمل ارقابهم=يقولونه اللي فالمكان حضور
واستغفـر الله قبـل تكتب عليه= ان كان من عمري ما عد الـزور
تمت وصلى الله على صفوة المـلا= اعداد ما يزهـى الفـلا بزهـور

اللهم صل على محمد

هذا حسب حفظي وذاكرتي واظن انها اطول من ذلك

وشرفتونا بمروركم الجميل