كــــبــــتــــــن عــــتـــــــبــــــــه . تفضل هنا .

[معجب العتيبي]

قادح شرار

يا كبتن عتيبه عسى عمرك طويل = غايب علينا مير طوّلت الغياب
شاعر كبير وفالشعر وزنك ثقيل = لكن أشوف البرق في عرض السحاب

كبتن عتيبه

الله يطول عمر من يبغى الجميل=وانا على شرواك تعبت الركاب!!
وجعله يلوح البرق ويسيل المسيل=ويربّع الوادي ويخضّر الجناب!!

قادح شرار

العلم جايك بين عدل وبين ميل = وأفطن لروحك لا بدأ وقت الصعاب
قالوا لي العربان كبتنكم بخيل = ما يعطي العالم طعام ولا شراب

كبتن عتيبه

لن كنت ذيب الذيب يسري كل ليل=وأن كان ما أنت بذيب تأكلك الذياب!!
والله ماتلقى للبخل فوقي دليل=قل للذي يبحث معك..هذا الجواب!!

قادح شرار

الزند يقدح نار في خشم الفتيل = يمكن بعدها الكبتن يروّح نهاب
ماني مكلف بك ولاني لك وكيل = كل الجمال معارضة عَوج الرقاب

كبتن عتيبه

النار ماتالع تحت وبل المخيل=لو الزنود زنود ابن غانم ذياب!!
ومن يرخي اذنه لأهل قال ولأهل قيل=مدري يحصلّها خطأ ولا صواب!!