ذيب المساري
سلام وخير ما أقول السلام ليا بغيت أختار=يغنيها عتيبي(ن) و عزه ربعه عتابه
بعد طول الغياب الله يقدرني على المعذار=يقولون العرب من غاب عنده حجة غيابه
فهد صقر الغنامي
هلا يامرحبا ترحيبة(ن) تطغى على الانوار = بنور(ن) لو سرى رجال في ليل يتقدابه
بعد غبتوا وجيتوا عندنا يالشاعر البيطار =ترى الشعار تنشد عن غيابك وشهي اسبابه
ذيب المساري
أعرف السوق والتجار مار السوق والتجار=ماعاد إتميّز المدخال والمخراج مع بابه
وألا يابن صقر لن كان تنشدني عن اللي صار=ظروف الوقت حسب الوقت بالتوقيت وحسابه
فهد صقر الغنامي
على طاري تجارتنا صحيبي كيفها الاسعار = تريد الحق مانصبر عن البسمه وبنجابه!!!!!
ليا غليت وصارت كنها الشعله بجوف النار = تبدل رزك الفاخر وتاكل بر وقلابه!!!!!
ذيب المساري
تطير الطايره بقيادة أمر الكبتن الطيار=ودرب(ن) يتعب الأقدام من يمشيه يشقابه
هذاه اللي رصيده ماتعدى عن ثلاث أصفار=وحنا نحمد الله ماقسمه الله نرضابه
فهد صقر الغنامي
ترى المحار لو مافيه لولو وشهو المحار = ماحد صاده ماحد فاده ماحد بالليل هذرابه
مادامك من هل المليون انا من نخبة المليار = اشارك في بنوك المملكة واملك مية غابه
ذيب المساري
قضى وأقدار والأرزاق فالدنيا قضى وأقدار=وياكم واحد(ن) طول الزمن محروقه أعصابه
مادم إنك تبا الغابه على قولك وفيك إصرار=طموح(ن) مايوصلك الحضيه ويش تبغابه