..
ابو سعود
...
سلام والبحر ماخاب غطاسه=لاجاب درٍ يناسب للذواقي
والبحر الاسود ترا دره وماسه = ارخص من التبن في بعض الاسواقي
مرزوق
يامرحبا بالذي طيّب ً ساسه = عداد مالاح بالغيم براقي
اللي يبا الاوله جا على راسه = مافاد له فيد من وسط الاعماقي
ابو سعود
العود يارجع لساسه ومغراسه= والعفن مايضهر بمضهرٍ راقي
وان شفت لك واحدٍ قالب الطاسه= اجرد له السيف قطاع الاعناقي
مرزوق
العالم اللي من الوقت منحاسه = شحت عليها الليالي بالارزاقي
ضاقت من اللي تربع بمجلاسه = والعود معهم على الدرب منساقي
ابو سعود
بعض البشر شغلته كذب وبلاسه =والنذل ماعنده اسلوب واخلاقي
حتيش لو سجل اسمه بكراسه =ماهوب للطيب كاسب وسباقي
مرزوق
من لاتفكّر وقيّس بمقياسه = يكتب له مع العرب قل الاوفاقي
اكيد فالمسأله تخطيط ودراسه = متبينه كنها شمس الاشراقي
ابو سعود
ترا الحما دونه اللي قوي باسه=موثقٍ كل شيٍ بميثاقي
يعطيه فنجال ويطير عماسه=يكويه ثم تختلف هقوة الهاقي
مرزوق
انشهد انه يبا يكتم انفاسه = ون شاف لفه يبا يلحق الباقي
المر لازم نذوقه من كاسه = ونحمله حمل ماهوب ينطاقي
« آخـــر الـــمـــشـــاركــــات »
16-Jul-2008, 10:33 PM
العرض المتطور
