مطيــر !!!

[السماري]

سلطان الجـذع




يامرحبا ترحيبة تبقـى بساحـات الخلـود
من الذهب والماس أنقشّها واخط حروفهـا
قم يالمطيري والمعاني صرفها صرف النقود
انته عليك مياتهـا وانـا علـيّ ولوفهـا






بن هداب




دام البقى يا صحابنا عتيبه عريبين الجـدود
أعداد ما خط القلـم طـرسً وزف أظروفهـا
قم يالعتيبي وأصرف أجنيه الذهب وأذبح قعود
أنته عليك الخارطه وأنـا علـي أوصوفهـا





سلطان الجـذع




قال المثل : مافي مواريث الفهود الا الفهود
ومطير تسمع مانقوله ... والدروب تشوفها
يااصحابنا اللي ناركم دخانها من كل عـود
مطيّة الشيطـان مـال شدادهـا لردوفهـا





بن هداب




ترا الفهود أن قستها ماهي بشي مع الأسود
يا عيال ساره للمعارك خيلهـا وأسيوفهـا
النار حيه ماهي بنار الحضـارم والزيـود
مير أنت علم بالحقيقه لا تحجـر أكتوفهـا





سلطان الجـذع




ان قستها بالفعل والا العرف عنـا ... ماتـزود
ياعيال موضي ,,, نعرف زحول العرب وضعوفها
ياما .. نصرنا الله على جيش النصارى واليهـود
واليوم لو شبيت نـارك نحذفـك فـي جوفهـا





بن هداب




يا ربعنا ماعندكم سحب وبـروق ولا رعـود
صرتوا يتاما واليتاما مـا لقـت مصروفهـا
أثر اليهود أشرف من أللي فالحرم عدا الحدود
لاهـو بطايفهـا ولا خلـى العبـاد أطوفهـا





سلطان الجـذع




ماعندنا الا سيف عز طول الايام محدود
الله ..على حال الرعيه والذياب تحوفها
الحمد لله ماطلع منا ذليـل ولاشـرود
ومطير ياماكثر خيانتها ومااكثر خوفها

صح لسانك انت وياهـ ,,,


,,