محمد المنصوري
تعال ياقادح شرار ابتدى الليل = واحسب حساب الاولة والاخيرة
عندي خبر وعلوم موجز وتفصيل = وانت فهيم ولاتبيح السريرة
قادح شرار
يا مرحبا ترحيب هيل ٍ على هيل = يا شاعر ٍ نبغي نحدد مصيره
هات الخبر والعلم يحتاج تحليل = واحذر تسولف بالعلوم الصغيره
محمد المنصوري
انته من اللي يشربون الفناجيل = مامات جدك حسته في ضميرة
حد السيوف وللزوم أسرج الخيل = نباك فوجيه الجموع المغيرة
قادح شرار
وانته من اللي يعرفون المعاميل = تقوى على سل السيوف الشطيره
أنته تخاطب لك رجال ٍ مشاكيل = تقوى على صد الجموع الغفيره
محمد المنصوري
خل النظر مرفوع للجدي وسهيل = عساك حظ أهل الوجية السفيرة
رجال واتعب مع دروب الرياجيل = ولاتغني مع سعاد وسميرة
قادح شرار
حنا نظرنا ما تجيبه درابيل = نقدر على الصعبة ولو هي كبيره
ما همنا لو تكثر القال والقيل = عندي على كل السوالف بصيره
« آخـــر الـــمـــشـــاركــــات »
16-Sep-2008, 02:51 AM
العرض الشجري