محدن يلوم فهيد في بدع الامثال

[محمد العتيبي]

المشاركة الأصلية كتبت بواسطة فهيد الرويس

بسم الله الرحمن الرحيم

اخواني اعضاء الاعزاء اليكم بعد السلام وعليكم هذه القصيده لشاعر عايض عمر الرويس مرثيه في والدي رحمة الله مقعدبن فهيد الرويس


ما احدٍ يلوم فهيد في بدع الأمثال
الله على حزنه وصبره يثيبه

والحمد للخالق على كل الاحوال
اللي ومر بالصبر عند المصيبة

لو إن طول العمر يشرى بالأموال
كان الملوك أموالها تفتدي به

جف القلم والرزق حدد والآجال
والعاقل اللي ما كتب له رضي به

نجزع ليا جانا خبر موت رجال
ولا احدٍ يحس الا بموتة قريبه

قريبه اللي كل ما ضده الجال
ياقف معه لا جت أمورٍ صعيبة

ياقف معه بالحال والراي والمال
يوم ان بعض الناس ما ينعدي به

مقعد من اللي للصعيبات شيّال
من شبته لين انتهى في مشيبه

نزيه عرض لكلمة الحق قوّال
واللي يبي قولة نعم يقتدي به

أبو فهيد بسيرته مضرب أمثال
بالمعرفة وبكل علمٍ يجيبه

معرّب الجدان والعم والخال
بين البقوم وبين عليا عتيبه

عساه في جنات فردوس وظلال
جنات عدن اللي سعتها رحيبه

يعطى كتابه فاليمين عن الاشمال
يوم إن من قدم عمل ينجزي به

والنا العزا في موت ماضين الاجال
وعسى دعانا ربنا يستجيبه

وعسان يحسن خاتمتنا ليا طال
العمر وان جت خاتمتنا قريبه

صح السان ابوعمر والله يطول في عمره شعور غير مستغرب

الله يرحمه ويجعله في عالي الجنان ..


حاولت اقتبس كم بيت اعجبني ولم استطع ذلك
لانني وجدت كل بيت احلى من الثاني ..


صح لسان الشاعر المبدع/ عايض بن عمر الرويس .

وسلمت يداك يافهيد على القصيده التي حضينا بها ..

لك اصدق تحيه يالغالي
...

التوقيع

للتواصل عبر twitter تويتر al_bargawy@

[فهيد مقعد الرويس]

المشاركة الأصلية كتبت بواسطة محمد العتيبي

الله يرحمه ويجعله في عالي الجنان ..


حاولت اقتبس كم بيت اعجبني ولم استطع ذلك
لانني وجدت كل بيت احلى من الثاني ..


صح لسان الشاعر المبدع/ عايض بن عمر الرويس .

وسلمت يداك يافهيد على القصيده التي حضينا بها ..

لك اصدق تحيه يالغالي
...

وانت سالم يامحمد

صح بدنك بانيابه عن شاعرها

تقبل اطيب تحيه