الشطيطي
كل ما غنيت لي طاروق ينقز بحر جـده=ياوجيه الخير ما ادري من غلا ولا تحدي
ماهو بقدي وانا يا اصحابنا مانـي بقـده=كانه صغيّر عمر يمكن يجي فأوقام جدي
بحر جده
لانقزنـا كـل لازم ياحمـر الناظـر نـسـده=وكان جينا لتحـدي ياعـرب مابـاح سـدي
الشعر مايعترف بالعمـر حـد السيـف حـده=وش تجيب من السوالف يالشطيطي وش تودي
الشطيطي
ياطويل العمر دام الضيف عندك قوم غـده=لا تجيب الا السمان ونعرفك ما انت متردي
لو نحـد السيـف والله يالعتيبـي مانـرده=لين ياخذ واجبه ياصاحبي وانـت امتبـدي
بحر جده
لالفانا الضيف مالي عنه يارجال صـده=وكل شارب وله قدره والعتيبي مستعدي
سيفك ليامن وصلتك يالمطيري ماتمـده=وانت مسرع بس بعد شوي لابدك تهدي
الشطيطي
ناظرك صوب السماء ياصاحبي والخير لده = جاتك مزونٍ سببها كم وكم ضاع متقدي
ماش راحه مير راسك لا يقرّب للمخده = سيفنا يلمع صقيله والنصاب بكفي يدي