هذا تحليل احد المطران للابيات؟؟؟؟؟؟؟؟؟؟؟؟

[نقال هم مطير]

الاخ قحص ، بعد التحية بيض الله وجهك ، كلامك مضبوط وما يزعل من الحقيقة غير الخبل وأنا خطيت هالخطوة معاكم وكلي أمل أنكم تناقشون وياي بعيد عن العصبية اللي ما وراها فود وترانا يا مطير عندنا منتدى وأنتم يا عتيبة عندكم منتدى وكل يقول اللي يبي كذلك عندكم مؤلفين وعندنا مؤلفين لكان النقاش اللي أبية من نوع خاص وأتمنى ما يكون فيه زعل أنت عتيبة الهيلا خوالنا وحنا مطير حمران النواظر ، ولا عيب المنهزم اليوم منتصر بكرة والمنتصر اليوم منكسر بكرة ، كذلك لا ننسى الافعال الطيبة بين القبيلتين ، والحين أبذكر لكم أسماء شيوخ وفرسان عتيبة اللي راحوا عند مطير وشيوخ وفرسان مطير اللي راحوا عند عتيبة .

1 - شيوخ وفرسان عتيبة راحوا عند مطير :-

تركي بن حميد وهندي بن حميد وهوصان بن حميد وضيف الله العفار بن حميد ومرزوق بن محيا وناصر بن محيا وضيف الله بن عميرة وأبن عصاي وعيال الشغار ومشعان البراق وغيرهم كثير .

2 - شيوخ وفرسان مطير راحوا عند عتيبة :-

مبلش بن جبرين وتريحيب بن بصيص وأبن الجبعا وغيرهم من الدوشان وصمدان بن سقيان ومحمد المجنون المطرقة وفاضل السويقي وأبو صفرة وغيرهم كثير .

لكن ما ننسى الفعول الطيبة بينهم خصوصا ما يتعلق بالملحة والجيرة ، على سبيل المثال سالفة أبن هدباء مع أبن وسيود الروقي وسالفة المريبض مع البصايصة وسالفة واحد من العتبان مع أبن سقيان وغيرها من السوالف الطيبة خصوصا يوم المطران يسلخون وجه ولدهم ويودونه يم عتيبة نقى وجة وهاذي عادة مطير ، ونتمى منك ذكر أفعال عتيبة مع مطير كل هذة مقدمة لموضوعي عن نجد ، تحياتي.

ملاحظة : نتمى تصحيح أسماء القتلى أنكان فيه خطأ .