اختيار تصميم الجوال
|
|
|
« آخـــر الـــمـــشـــاركــــات » |
أدوات الموضوع | انواع عرض الموضوع |
|
20-Oct-2008, 09:23 PM | رقم المشاركة : 1 | |||
|
عبيد ابن رشيد والخوي
الخوة لها معاني قد تختلف من شخص لاخر
ولنعرف معني الخوي عند احد فرسان العرب عبيد بن علي الرشيد مع الخوي . دعونا : ناخذ نبذة مختصرة عن صاحب هذه القصّة والقصيده : هو : عبيد العلي الرشيد ( اخو عبدالله العلي الرشيد أمير حائل) ولكنه امتاز عن اخيه بأمور ثلاثة بغلوّه في المذهب كما قيل، وبخشونة طبعة ، وبنزعتة شديدة إلى القتال ، وكان رسول النجدييين الأكبر في الجبل وكان بيته محط رحال النجديين في حائل ومرجعهم الاعلى والصله بينهم وبين الرياض. وهو فارس من ابطال الفرسان وشاعر من فحول الشعراء . --------- قال عبيد العلي الرشيد في آخر ايامه هذه القصيده وكانت قصتها كالتالي : كان لعبيد صديق صادق من الرجال وكان عبيد يقرب هذا الرجل ويجلسه بجواره بالإضافة لطرافة الحديث, وكان هذا الرجل خامل النسب , فأحذ البعض يلومه لتقريب رجل خامل النسب ... فقال عبيد : نعم ان هذا رجل طيّب ، وفيه شجاعه وهمّه عاليه ونفس ابيّه عن الادناس فمن اجل ذلك قال هذه القصيده : وهي : طـلـبـت ربّ عالم الــســر والـغـيــب يقـبل صلاتي له ُ ويقـبل صيامي ويجعـل لنـا عـرض نـزيـه عـن العـيـب ويفـكـنا مــن شـر سوء الاثامي إبـن آدم مـلـفـى الـردى والـعـذاريـب لو ما فعل رميت علـيه التهامي جلّيت عن نفسي شبا الشـك والريـب ولا حسب يلقـون العرب بي كلامي وربعي لقو بـي عقـب شيبي عذاريـب بتسطير كذب أمفسـرين الحلامي قلت اخبروني ويش لقيتوا من العيب قالوا عـلى ساقت خويك تحامي قـلت إن هـذا مــن قديـم لـنا عـــيب مستارثـيـنه مـن خوال وعـمامي العـيب ترك المعـــرضـه بالمواجـيب والاّ الـرفـيـق إبفـزعـته ما نلامي رفـيقـنـا كــنّــه بـروس الـشغانيـب في راس حـيـد نايـف ما يـظـامي رفيقـنا مـا نجـدعــه للقصاصـيـب يجـبر بنا لو هو كسير العـظامي والـشـر ما نسعـى بـجـرّه بتقـريب وندري إلـى هبّت لـنا بِالاَ ولامي ويوم الوغى ما نستشـير الـزواريب لا طار عن سـود العيون اللثامي مركاضـنا يشـبع به الـطـير والـذيب ونروي معاطيش السيوف الظوامي نلـحـق عـلـى سـرد يجنّك جناذيـب بمـطارق مـع مثل صف النعامي يـتلـون ابـو بـنـدر ربـيع السعاييب الـلي على خيره تعـيش اليـتامي فإن سِلـم راس امبيّـد الكـنّس النيب حـريـبـنا ما يهـتـنــي بالمـنامي غـنّـوا بهـا اركان عـوج المصاليب مـن مصـر الغـربي إلى دار يامي هــذي قدايمـنا إلـى عــدو الـطـيب وكل يريه الفعـل أهلـه الـقدامي قصد شاعرنا في قوله ( ابو بندر : طلال العبدالله الرشيد) والكنس اللنيب ( وصف للإبل التي اكتنزت من الشحم وشق نابها ) . آخر تعديل ابن رشيد الشمري يوم 20-Oct-2008 في 09:26 PM.
|
|||
|
|
21-Oct-2008, 09:12 PM | رقم المشاركة : 3 | |||
|
ونعم فيك وبلابتك ابو مرحبا
ولا هنت على المرور والتعليق |
|||
|
|
22-Oct-2008, 05:49 PM | رقم المشاركة : 6 | |||
|
الاخ بتار العبدلي شكرا لك ونعم فيك وبلابتك
الاخ ذيب النفود ونعم فيك وبلابتك وشكرا لكما على المرور |
|||
|
|
22-Oct-2008, 06:54 PM | رقم المشاركة : 7 | |||||
|
..
. بادره رجوليه فذه لاتستغرب من اي سنعوسي ... ... وعمر النسب ماوقف حائل دون مقومات الرجوله .. لاهنت على ماقدمت ورحم الله ابن رشيد واموات المسلمين ... ذكرتني بسالفة صانع قبيلة الدغالبه من عتيبه ... يوم اغار الشيخ والفارس خزام المهري على ابل الغييثات من الدواسر ... واراد الصانع ان ينصحه فقال يالامير خلنا ننتظر لين يلحقون ربعنا ... فقال خزام عليه رحمة الله وكان لا يخاف من الموت ... ذليت يالصانع ... قال لا والله ماذليت .. ثم اعتزى الصانع ولكز فرسه للهجوم وقال حت وانا خيالتس صانع مناعير ٍ وفارس خيل .. .. هنا لم نرى مهنته التي كانت مستحقره عند القبائل عائقاً لابراز فروسيته وهذا جزء من الامثله على ماسبق والشي بالشي يذكر اخوكـــ
|
|||||
|
|
22-Oct-2008, 07:49 PM | رقم المشاركة : 8 | |||
|
........والله وملياااااااااااااار نعم بشمر وبن رشيد ولاهنت يبن رشيد الشمري على الموضوع......
|
|||
|
|
22-Oct-2008, 08:17 PM | رقم المشاركة : 9 | |||||
|
والله ونعم بشمر الطنايا ونعم في ابن رشيد
تحيتي
|
|||||
|
|
22-Oct-2008, 09:13 PM | رقم المشاركة : 10 | |||
|
هناك بيت اعتقد سقط سهوا
خوينا لو هو من الجد بصليب......... متعلي منا براس السنامي وشكرا ابن رشيد |
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|