مقعد الدغيلبي=
سلامي عليكم ياعتيبة هل الطيب=بعدها تفضل ياسعود الدماسـي.
بعد ماوصلنا من طرفكم مكاتيـب=تحاول تعلق فالجبـال الرواسـي
سعود الدماسي=
نيابه عن عتيبه نـرد التراحيـب=هلا مرحبا ياراس من طيب راسي
ترانا وردنا صافيات المشاريـب=وسود التنك مايطلعـن النحاسـي
مقعد الدغيلبي=
بغيتك تعـدي فـوق روس المراقيـب=وطحت الك طيحة وانت مانت امتواسي
متونك تشكى ضرب شلفـا تراحيـب=مسوي سياسي وانت مانته سياسـي
سعود الدماسي=
انا كنت احسبنك سفير الدغاليب=وهالحين صارت لخبطه فالكراسي
شربنا الفناجيل وخذينا المطاليب=وبعض العرب يدخل بعينه نعاسي
مقعد الدغيلبي=
أنا عن حماك منزحٍ للاجانيب = طبيعه خلقها الله من قو باسي
تقوله ولاشفناك وقت المواجيب = وابا اذكرك ياسعود لنكنت ناسي
سعود الدماسي=
ونعمين يالي جيت بالفطر الشيب=وهذي تراك عادتك والوقت قاسي
تجنب ولايفنعك يا شيخ تجنيـب=بعد صابتك من لذعت الالتماسي
مقعد الدغيلبي=
نجيب الغنايم وانت مخدوم ياشعيب = ياقايس بحر ترا البحر مايقاسي
عطيناك بشت وصرت ضمن المناصيب = تكشخ وسيّر في جديد اللباسي
« آخـــر الـــمـــشـــاركــــات »
العرض الشجري