نايف بن ملحق الثعلي
سلامي على ربع(ن) تحل الصعيبات=هل الراي الاول والفخر والزعامه
سلامات ياكبتن عتيبه سلامات=لعلك بخير ورافقتك السلامه
كبتن عتيبه
هلا مرحبا ياصاحبي عشر مرات=بصرح الرجال اهل الكرم والكرامه!!
يانايف ترى الواجب ما يلحق ليا فات=يابن ملحق انته لاحقتك الملامه!!
نايف بن ملحق الثعلي
انا لي ثلاث اشهور ادورك با الذات=واقول اختفى الرجال مدري علامه
الاخبار يارجال يادوبها جات= لاكن اللبيب اللي ينقد كلامه
كبتن عتيبه
انا مع صحيبي ماقطعت العلاقات=وراع الوفاء يفرض عليك أحترامه!!
ياليت الخوي يطلع بوجه علامات=على شان نعرف كم بوجهك علامه!!
نايف بن ملحق الثعلي
عينت العلوم الطيبات القديمات=علام الثبيتي يوم تبرد عظامه
ابقرى عليك الفاتحه والتحيات =ولاعاد فيها ضحكةً وابتسامه
كبتن عتيبه
ترى الصيف قفّى مير هيهات هيهات=ومرباعنا في نجد ولا تهامه!!
تبى تبعث الشايب يانايف بعد مات=وتدفن غلاماً دوب كمل فطامه!!
نايف بن ملحق الثعلي
بغيتك خوي الجنب في كل حزات=واظن العتيبي ناسي اني حزامه
ليا جيت في الميدان مافيه شكات=كثير العرب مايهتني في منامه
كبتن عتيبه
بوقت الرخا خلّ العلوم ابتسامات=ولا فالشدايد ضحكةٍ وإبتسامه!!
ليا صارت تبغى المدح .ماني بشمّات=ابكسيك بشت أشقر وثوب وعمامه!!
نايف بن ملحق الثعلي
ولا يا الثبيتي يارفيق المهمات=اشوف البعير شعيل يسحب خطامه
تراني غني النفس في كل الاوقات= علامك تغيشم مانت راعي غشامه
« آخـــر الـــمـــشـــاركــــات »
26-Oct-2008, 12:05 AM
العرض الشجري