عبدالله حبيٌب الزراقي
يانايف الليله الليله عليك الخطر = بعض السوالف نجوم الليل تدريبها
بالله ياراعي الشيشه تنزل حجر = لين اقعد الراس من دبرت هناديبها
نايف بن ملحق الثعلي
خلك على الهون وانته سابحلك بحر =وان كان عندك سوالف كلها جيبها
حنا سمعنا خبر والناس تسمع خبر=بعض السواليف ماتحمد عواقيبها
عبدالله حبيٌب الزراقي
ياصحابنا الي لكم فالوقت عين ونظر = الناس تنقل لكم حملت مشاعيبها
لانتنظر من قليل الاصل هدم الجدر = الي على روس خلق الله يهذريبها
نايف بن ملحق الثعلي
تراك تدريبنا فا لحرب موتن حمر=والقوم نكرم لحاها ثم اشانيبها
بعض السوالف تراها ماوراها فخر=صعبت عليك القضية وش تسويبها
عبدالله حبيٌب الزراقي
انا ادري ان الصدور تفيض غيض وقهر = يوم الضيوف مدحت ضيفت معازيبها
الي كتب ياعميل الخير والي نشر = واهل الحسد والنميمه زاد تعذيبها
نايف بن ملحق الثعلي
ياصاحبي لاتعود علةً فا لنحر=والكلمه اللي تسر البال ياطيبها
الغيب مانعلمه سبحان رب البشر=وان كان حجتك ضاعت لاتماريبها
عبدالله حبيٌب الزراقي
انا ادري انك تابها كسر عظم وظهر = واشيب عينك من الايام واشيبها
ياصاح مسرا الذيابه تحت ضو القمر = يوم الذيابه تعلٌت في مراقيبها
نايف بن ملحق الثعلي
السالفه طولت مابين زيد وعمر=وجمالكم لاتقرط في عراقيبها
تبا تزين السوالف يابليس العور=ابعد عن النار لاتلحق مشاهيبها
عبدالله حبيٌب الزراقي
الموس ماخلا فوق الراس جلد وشعر = عساها ماتحلق اللحيه واشانيبها
تبا تزين السوالف قبل اذان الفجر = مار انتبه للصلاه الي تصليبها
نايف بن ملحق الثعلي
المشكله جالها ذا الحين عام وشهر= مار اسمع العلم كان الاذن توحيبها
احدن ورد ياوسيع البال واحدن صدر=واصحابنا مانبا نكشف عذاريبها
عبدالله حبيٌب الزراقي
المشكله يافتى فيها دروس وعبر = اخذ الحذر والعرب ماينجحد طيبها
مهما يطول الزمن ولا يطول الدهر = من يامن العقرب الي يسلع ذنبيها
نايف بن ملحق الثعلي
الريح هبت عليكم ثم طاح الشجر=ودياركم ياعسا الله يسقي شعيبها
ياراعي رهاط وصل العلم دولة قطر=واظن الايام هاذيه مكاتيبها
« آخـــر الـــمـــشـــاركــــات »
26-Oct-2008, 12:45 AM
العرض الشجري