البعد لعيون الرجل والكحل لعيون الحريم !!!!

[وحي العقل]

ضيدان بن قضعان

يا مرحبا ترحيبة الغالين في بيت الكريم= بيت جلوي وابن جلوي راع الجميل الاولي
مستور بن تركي صحيبٍ لي من الوقت القديم= لكن أشوفه تالي الايام يتكبّر علي

مستور العصيمي

دام البقى في حفلة الغالين يا الضيف الحشيم= ألدلك بالعين مثل الناس وأنت اتلد لي
إن كان صادق قول يا ضيدان بالله العظيم= أما نحرنا لك جمل ولا ذبحنا لك طلي

ضيدان بن قضعان

لديت لك بعيوني الثنتين وافهم يا فهيم= واحفظ حقوق المالكي والشافعي والحنبلي
صادق ولكن لا تكبّر في العليا والنسيم= لو كانت أمك فاطمه وابيك ابن طالب علي

مستور العصيمي

اعيونك الثنتين لد ابها على اخوك اليتيم= أنا عتيبي وش يقرب منزلك من منزلي
المسلم الصادق يبا يبشر بجنات النعيم= والمسلم الكذّاب يبشر له بنارٍ تصطلي

ضيدان بن قضعان

يا صحابنا العتبان حنا كلبونا سيم سيم= لكن حدوها على هداج والمخرج ملي
آعوذ بالرحمن سبحانه من ابليس الرجيم= رفعتها لك غير ما تعرف تشوت إلا علي

مستور العصيمي

البعد لعيون الرجل والكحل لعيون الحريم= مابيك يا ضيدان تقعد مثل ميّاح الدلي
الطيب اللي كل ما هبت ذعاذيع النسيم= يارد على عدٍ من الجمه يغيض ويمتلي

ضيدان بن قضعان

لا صار برطم ماش برطم كيف تنفخ يا شريم =أجرك على قد عملك واجري على قد عملي
الطيب اللي كل ما كنه لمح في الجو غيم =يشعب ركابه لين حتى الغيم عنه ينجلي

مستور العصيمي

قلت لك يا ضيدان غيرها لكن أثرك غشيم=أزيت لا عدل شدادك ياالبعير الساحلي
يالله تغفر له ذنوبه يا سميع ويا عليم= من يصنع الصاروخ ما هو مثل صنّاع الحلي

ضيدان بن قضعان

العود مثلك لا طعنته ما طعنته في الصميم= أحن وارحم والله الوالي ولا غيره ولي
أنا أعرف اليمه ويممها صراطٍ مستقيم= وانته عصيمي لا رسول ولا نبيٍّ مرسلي

مستور العصيمي

اتقولها واقولها مال الغريم إلا الغريم=والمسلمين اخوان بين مكبرٍ ومهللي
وقفت لي يا راعي المعروب في الحزم الصريم= لكن لا بد السحابه لو تغيّم تنجلي

.

[احمد الملاح]

يا سلااااام صح السان الشاعرين شعار فطاحله


ومشكور على النقل يا وحي العقل وبيض الله وجهك

[العفريت]

الله يبارك فيك
لاهنت على المحاورة المميزه

[سعود العصيمي]

ضيداااان


لديت لك بعيوني الثنتين وافهم يـا فهيـم
واحفظ حقوق المالكي والشافعي والحنبلي



مستور
اعيونك الثنتين لد ابها على اخوك اليتيم
أنا عتيبي وش يقرب منزلك من منزلي



البعد لعيون الرجل والكحل لعيون الحريم
مابيك يا ضيدان تقعد مثل ميّاح الدلـي






يالله تغفر له ذنوبه يا سميـع ويـا عليـم
من يصنع الصاروخ ما هو مثل صنّاع الحلي



الله واكبر


محاورة قمة قمة

صحت األسنة الشعار


وبيض الله وجهك ياوحي العقل


على النقل الراااائع

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[ابونجم الاسعدي]

محاوره اكثر من رائعه مشكور على النقل

[قادح شرار]

ماشاء الله تبارك الله على ضيدان ...


أثره يبدع في المحاورة .. وهاذي صراحة ً أول محاورة أقرائها له .


وأبو تركي طول الله عمره غني عن التعريف .


مشكووووور يا وحي العقل على النقل الجميل .



دمت بود .

[شاعرخطير]

مشكور على النقل يا الغالي

[ابو براك]

مشكوووووووور على المحاوره الرائعه

[أبو مصلح 511]

طاروق جميل ومعنى اجمل



تحياتي لك وتقبل يالغلي مروري

[الذيب الثبيتي]

الله الله

صحت السنتهم

وسلمت يمينك ع النقل