يا مرحبا بالجميــــع :
قادح شرار :
يا مرحبا ترحيبة ٍ ... مثـل الجواهـر والنقـود = الغامدي لا شافها .. يصبـح مشتـت فالذهـن
لو إن أخو نورة رحمه الله ... تهاون فالحـدود = يمديك هالحزة يا ابن غامد ... وسط شعب اليمن
السيف البريع :
دام البقى والغامدي لامن حضر جاك الردود = يعطي الصحيح ويضهد المغبون ويزيده غبن
الله يديم الامن والنعمة وحكم آل السعـود = ويش انت يا لولا الهوية يالعتيبي والوطـن
قادح شرار:
أنته ليا شفت الريـال ... تصلـي وتسجـد سجـود = يا عابد الأموال ... قلـي ويـش ترجـي فالزمـن
وش ننغبن له... يـوم حنـا للعـلا نرقـا سنـود = يوم إن بعض الناس جايع .... والعشاء ملي الصحن
السيف البريع :
حنا كسبنا المرجلة والطيب والزايـد يـزود = ولا انت تنهب يالعتيبي من طمية لا حضـن
عطنا معاني شعر ما انت بلاحق ٍ عاد وثمود = بعض الكلام اللي بلا معنى ترى ما له ثمـن
قادح شرار :
أنتم كسبتوا شي يؤكل ... من على وقت الجدود = الثور كيف تقدسونه ... يـا عساكـم للكفـن
باقيلكم عام ٍ ... وتصبح مثل هندوس الهنـود = وتصير لا منك لقيت الثور ... ترطن له رطـن
السيف البريع :
سحر كلابك واسرق نعال العباد اللي رقـود = هذا نواميسك ومنوالك على طـول الزمـن
انا ادري انك في المواقف لاتفيـد ولاتفـود = مير الكفو ياكل شحم واما الخبل يا كل تبن
قادح شرار :
جوّد نعالك وأحظنه ... جوك السرية والجنـود = ولا السحر نسحرك مثل أخوك ... يا وارد عدن
أنا أدري إنك يا ولد غامد ... تِقـاد ولا تقـود = لكن بقعاء جاتك اليلـة ... بهـرش ٍ يطّحـن
السيف البريع :
من بعد هذا الليـل لا تقـدح شـرارك بالزنـود = اصبحت طافي ضوء ومن الضرب في وجهك حزن
بدلت هدرك بالرغا يالهـرش مكسـور العضـود = في يديك قيد وفيك ماريـة وفـي راسـك رسـن
قادح شرار :
الزند يقدح نار طول الوقـت >> ويعـل الكبـود = واللي سواتك لا لقيته ... نطحن حبوبـه طحـن
ما أنته محصل .. غير برق ٍ فالسحب ويا الرعود = لا سال في ديرة لك الله .. تنّكب >> ما تنسكـن
السيف البريع :
حنا صمدنا في مواقفنا على الشدة صمـود = نثبت كما يثبت جبل نرسي كما ترسي سفن
يا قادح افزع وازهم عتيبة وجمع لك حشود = اخذتها ياصاحبي من بيـن عينـك والاذن