هنا تنطلق المحاورة المباشرة لهذه الليلة

[معجب العتيبي]

معجب العتيبي

مرحبا بحسين راع العلوم الطيبات=جتني علومه مع الناس قبل انشد عنه
قالوا انه حط قصره على شط الفرات=ثم جاه اعصار عاصف قبل يمكن سنه

حسين الحارثي

البقا بك يالمرحب على طول الحياة=شاعرٍ موهوب وان قلت قول تبرهنه
قصرنا راسي ومنصى الرياجيل الثقات=مير لاتنبش عظام القبور المزمنه

معجب العتيبي

ياسهير الليل ابسهر عيونك ماتبات=من يخلي صاحبه ماعلى معجب منه
ماضي وذالحينه وفالليال المقبلات=لك على اللسن ساير الناس قصه محزنه

حسين الحارثي ..

منت مسهرني وانا مسهر عيون الطغاة=مير خل الحارثي واخذ درب الميمنه
لو نبي نطاوع ابليس ضيعنا الصلاة=مفتن وملعون والكل دايم يلعنه

معجب العتيبي

جابها رب السموات في وجهك وجات=يعني أترك راعي الميسره في مسكنه
تنطح براسك حيود الجبال الراسيات=لين صار الحارثي عبره لهنّ. وهنه

حسين الحارثي..

يالعطاوي منت قادر تجيب المعجزات=لو لسانك ياصل اذنك ونفسك مفتنه
من خقلنا ننطح القوم فوق المسرجات=بالسيوف المرهفه في جميع الامكنه

معجب العتيبي

ياحسين الحبه اللي تدقدقها الرحات=لاتقول انّ الرحا حبها ماتطحنه
لاتقوله وانت مالك فعولٍ بينات=يوم خصمك فيك صارت فعوله بيّنه

حسين الحارثي ..

انت طحان الحبوب وعلومك مذهلات=واشهد انك تعتبر يالعطاوي عيّنه
ياخوي القاف لعبي معاك مجاملات=لاجلك اطرف بيت يطري علي اللحنه

معجب العتيبي..

لاتحاول تنتقم بعد مافات الفوات=انت هيّن ياحسين وعلومك هيّنه
ياحسين الحارثي قلبك من الهم مات=الهموم امست تسلّ السيوف وتطعنه

حسين الحارثي..

ماغدالي حق! حتى اكتم اصحاب الشمات=ويش محرق رز معجب يحن حن حنحنه
الملابس والرتب ستر ومفاخر حياة=واكثر العربان لامن هرج بان ابدنه

معجب العتيبي..

دور النوماس والباقيات الصالحات=عنصريتكم دعوها تراها منتنه
الرجال اهل الوفا يكسبون الطايلات=يوم بعض الناس ماهيب عنده ممكنه

حسين الحارثي..

كاسبينه قبل تخلق وتعرف خذ وهات=وان رجعنا للتعنصر تراكم مزبنه
ليت نام الكفو والا سرا الاسحم بشاة=حتى محدٍ يعرفك لين شاربك ادهنه

التوقيع

[نواف العصيمي]

صح لسانك يامعجب وصح لسانك ياحسين..

والله كان ودي أتابعها وأحضرها من بدري



لكن تعبان شوي ..



لكن خيرها بغيرها


ولكم التقدير والإحترام




..

التوقيع

[معجب العتيبي]

يكفينا مرورك يانواف


صح بدنك

[سلطان بن ثعلي]

معجب العتيبي+ حسين الحارثي

صحت الالسن ياشعار

وبيض الله وجيهكم على الطاروق الجزل والرائع

مشكورين وبارك الله فيكم

وللجميع تحياتي

[معجب العتيبي]

سلطان ابن ثعلي


هلا وغلا



مرورك اسعدنا

[عيضه الثبيتي]

حسين الحارثي

الملابس والرتب ستر ومفاخـر حيـاة
واكثر العربان لامن هرج بـان ابدنـه



معجب العتيبي..





الرجال اهل الوفا يكسبون الطايلات
يوم بعض الناس ماهيب عنده ممكنه




ياسلام ياسلام

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[بندر المرشدي]

صحت السنتكم


كلكم مبدعين




بيض الله وجيهكم

[فواز السعيدي]

ياسلااام الحقيقة محاورة رائعه بمعنى الكلمة





معجب وحسين شاعرين من طراز نادر




صحت السنتكم وابدانكم وماقصرتو يا مبدعين

[علي فلاح العضياني]

الله الله



صحّت الالسنه



محاوره من العيار الثقيل




تحياتي

التوقيع

(( رأس الحكمه مخافة الله ))

[فهدالروقي]

السلام عليكم ورحمة الله وبركاته
محاورة ممتازه ونشكر معجب وحسين
ولكم تحياتي اخوكم فهد الروقي