فيلسوفه !

[اٌٍلٍٍُخٌٍـٍُاٍُصٍُ]

السلام عليكم ورحمة الله وبركاته


اعتذر عن غيابي ومشاركة اتمنى ان ترتقي وتشفع لغيابي !

عــنــدك قراءة نــص مــاهــوب عــادي =يعني على قول البشرفيلسوفـه
جمال ردك فــوق غــاية مــرادي =لو كان نصي نص عادي حــروفــه
انا الذي بالوقت مــعــلن جهــادي =لو كنت ماني في اوائل صفوفــه
اخذ حقوقي من حلوق الاعادي =واقف وقوف الي يشرف وقوفه
اهد طيري بس وقت الهدادي =ولا يوم هديته وذقت الحسوفه
ازرع بذور الغرس واجني حصادي =يومن غيري كل شي ًيــطــوفــه
ودك نـلـون جـونـا بالــرماادي = وألبّسه وأجـمّـلـه فــي وصوفــه
وأعطّره ريحان لأجلك وكــادي = اضرب دفـوفـه لـيـن تسمع دفـوفـه
نسيت !كاان الجو بالحيل هــادي =ملعون شعري كيف ينسى ضـيـوفــه
نجلاء العيون الي كـسـاهـا الـســوادي = عساك من عين الحسود محفوفه
البارحه نــو البروق الرعـادي= فوق الــضــلوع الـميـتـه والرجوفــه
يازين جو الليل فيه البرادي = ليته يطفّي لاهب الشوق جوفــه
لكن يزيد الشوق والشوق زادي = وأسري معه والقلب يزداد خوفــه
انا رهين الليل لو كنت غــادي = يوم القمر بالعين يعلن كسوفــه
اخفيت جرحً مانفع به ضمــادي = لأجل العواذل ماتبكّي هنووفــه
حبست دمعي لجل خاطر ودادي= وكلفت نفسي لين صارت كـلـوفــــه
الحزن خيم وسط قلبي وسادي =والموت اشوفه كل منظر طيوفه
قولي لمن عينه تذوق الرقــادي = يدعي ويرفع ثلث ليله كفوفــه
ماهوب مثلي ثلث ليله ينــادي = يفز من نومه عسى الله يــروفــه
انا السجين الي برجله قــيــادي =في كل جمعه والمناياا تحوفــه
حكمه قصاص وخوفته الايــادي =صغير سن وزوّد السجن خوفــه
يمكن كسرت البيت داخل فــؤادي = لكن حرام ان البشر ماتشوفــه
لايزعلك يابنت لحظة عنــادي = ترا الجمل مايشتكي من خفوفــه
صحيح شاعر تو بالشعر بــادي = احيان احكم الـقـاف وأحـيـان اعوفــه
لكن على الله ينتصربي جــوادي = واصبح علم للشعر تخشى سيوفــه
ودك ختمت القاف والجو هادي = والا عجبك الـقاف دون مـعـزّوفـه

شعر / الخاص / محمد بن حميد الروقي

[مزيد العصيمي]

\
لا حروف توفيك
\
=
صح لسانك
وماشاءالله عليك

[معجب العتيبي]

اهد طيري بس وقت الهدادي
ولا يوم هديته وذقت الحسوفه


التوقيت المناسب يخلي الامور اجمل


وانت وقت هداد قصيدك بالوقت اللي نحتاجه


فشكرا لك وصح لسانك

التوقيع

[السميــــــري]

الروقي ..

قصيدة وافيه .. بالحيل .. .

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[أبو مرحبا]

قصيدة رائعه

صح السانك

تقبل مروري

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[اٌٍلٍٍُخٌٍـٍُاٍُصٍُ]

صح بدنك يامزيد ..

شاكر ومقدر لهذا الحضور ...

[عبدالله بن طلال]

[QUOTE=اٌٍلٍٍُخٌٍـٍُاٍُصٍُ;789690][size=4][font=simplified arabic]السلام عليكم ورحمة الله وبركاته


اعتذر عن غيابي ومشاركة اتمنى ان ترتقي وتشفع لغيابي !


[poem=font="traditional arabic,6,white,normal,normal

[color=#8B0000]

قولي لمن عينه تذوق الرقــادي = يدعي ويرفع ثلث ليله كفوفــه
ماهوب مثلي ثلث ليله ينــادي = يفز من نومه عسى الله يــروفــه
انا السجين الي برجله قــيــادي =في كل جمعه والمناياا تحوفــه
حكمه قصاص وخوفته الايــادي =صغير سن وزوّد السجن خوفــه
يمكن كسرت البيت داخل فــؤادي = لكن حرام ان البشر ماتشوفــه

صح لسانك

كل قصيدتك جميله

وابدااااع يابن العم




ننتظر منك ماتجود به

علينا قريبا

وتحياتي دوم

آخر تعديل عبدالله بن طلال يوم 31-Dec-2008 في 01:53 AM.

[اٌٍلٍٍُخٌٍـٍُاٍُصٍُ]

معجب العتيبي

الشكر لك انت على تشريفك وصح بدنك يامعجب ...

تقديري واحترامي

[اٌٍلٍٍُخٌٍـٍُاٍُصٍُ]

صح بدنك يا عبدالله وتشرفت

واشكرك على تواصلك معي ..

اخوك