" مات الرياحي " ..!!

[عايض بن زوير]

تعبر عن نفسها .. !







,,

ولا يالله في شيٍ مباحي=يغيبني عقب سطو الجراحي
جراحٍ فالحشا تو استشاطت=صباح السبت يا شين الصباحي
صباحٍ بالخبر صبح حشايه=ومضمون الخبر " مات الرياحي " .!
وذرف دمعي على خدي لو اني=من اللي سدهم ما يوم باحي
أغيب اعن الملا وأحضر وأغيبي=واداري دمعتي تحت الجناحي
وأجاوب فالخلا نوح الحمامه=لو ان الطير ما جرب مناحي
ولا يالله في راحة ضميري=تعب قلبي من زروق الرماحي
على فيصل تجاذبني همومي=يالين ان الحشا بالهم فاحي
تعبت وضاقت الدنيا عليه=لو ان الكون من حولي براحي
سجين الهم ليلين وثلاثه=وأظنه ما نوى يطلق سراحي
مع العالم ولا كني معاهم=ادرجها على كل النواحي
أبا الصده عن عيون الخلايق =مخافة هرجة النقد البواحي
ولا حصلت لي فالصد راحه=صويب الوقت ما يوم استراحي
جرعت من العنا والهم كاسه=يخالط مرها السم الذحاحي
فقيده يا عرب والله فقيده=أبو بدر الشهم رمز الفلاحي
رحل عنا قبل وقت الموادع=يا عون الله في بعض المراحي ..!!
رحل فيصل عن الدنيا وحنا=على فقده تجرعنا الملاحي
ولا يالله في مزنٍ تتالا=على قبره تكومها الرياحي
ثلاث شهور من ماها تبله=ثلاث شهور والماطر قراحي
وعسى قبره على الجنه مطله=يالين انه يحس الانشراحي
دعانا والرجا يالله قبوله=لعل اللي على المنكب يزاحي
أقوله والعرب مثلي تقوله=جنان الخلد يا نعم المراحي
عسى فيصل بها يلقى مصيره=مع أصحاب الكتب وأهل الصحاحي
ومن عتيبه إلى سهوم المنايا=عزانا والعذر ويا السماحي
يقوله واحدٍ همه سطى به=ولا حصل عن همومه مراحي
ولا يالله في شيٍ مباحي =يغيبني عقب فقد الرياحي

[عبدالله الجـــذع]

عايض ياعايض صح لساانك

من اروع الرثآئيات بحق

رحم الله ابو بدر واسكنه الجنه

صح لسانك حت ترضى يابحر ولاحرمت الاجر


محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[فيصل المسعودي]

وفاته رحمه الله أتت فجأة

وانفجع بها جميع جماهير الشاعر والشعر

لكن مانقول الا

رحمة الله عليك يا أبا بدر

ونسأل الله لك الجنة والعتق من النار

وصح لسانك ياعايض

على هذه المرثية المحملة بالوفاء لأحد رجال الشعر ورموزه

نسأل الله لك الأجر والمثوبة

تحياتي

[سعد بن مطلق المقاطي]

صح لسانك يابن العم والله يرحمه ابوبدر فقيده على الساحه

التوقيع

ديــــــــــــــــواني

[بدر الكريزي]

رحم الله ابو بدر .. و اسكنه فسيح جناته ..

صح لسانك يا عايض .. من اجمل ما قرأت في المرحوم ..

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[سلطان المفرجى]

اخوى عايض شعرك فايض

وصح الله لسانك

[السميــــــري]

ولا يالله فــي شــيٍ مبـاحـي
يغيبنـي عقـب فقـد الريـاحـي




المقاطي ..
قصيدتك هذي جددت الجراح ..

صح لسانك ..
معبرره ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[عايض بن زوير]

عبدالله الجذع صح بدنك ولا هنت ولا هان مرورك ..

[عايض بن زوير]

صح بدنك يا فيصل المسعودي ولا هنت ولا هان مرورك ..

[ابن صنهوت]

عايض ما قول غير بيض الله وجهك وقبل دعاك
والله يرحم ابوبدر ولايمك للعمى