الاصعر
سلام ردت خير والدعوة تخص بن رشيد= شاعر ذوي زراق وقت(ن) فات سجل يا قلم
خلك هنيا يالعتيبي لاتفكر في الشديد= خلك مع عتيبه وود وهات سجل يا قلم
محمد بن رشيد
يامرحبا يالشاعر اللي جيت والعلم الاكيد = انّا ولازلنا هل الوقفات . سجل ياقلم
ياطيب حظ الي ليا جانا يفيد ويستفيد = وياشين حظ اللي بدون اثبات .. سجل ياقلم
الاصعر
الدار ترجع با لخيال اللي من المنشا سديد=عساك مثل الشايب اللي مات سجل ياقلم
ماهمني مادام في يمناي سيف ابن الوليد=ان راحت الاخصام ولا جات سجل يا قلم
محمد بن رشيد
عان الحيا يبرق ويرعد وانت قل هل من مزيد =فالساعه اللي امن ابرك الساعات .. سجل ياقلم
والله لأحدك حدّ لين اتذوب ياصلب الحديد =وانا موصى لي علاك اوصات .. سجل ياقلم
الاصعر
يا اللي تغني با لقصيد احكم مظامين القصيد=لازم تنسق صيغة الابيات سجل ياقلم
لاتستمع في اللي يوصونك على الحيد المحيد=احرص على روحك من العثرات سجل ياقلم
محمد بن رشيد
عز الله اني كنت احسبنك معك علم ٍ جديد = واثرك بس اتردد الابيات .. سجل ياقلم
عدل رقبتك لاتصعرها ترى الطرقه بعيد = وان كان ماتقدر علاها بات .. سجل ياقلم
الاصعر
بعد هجدك الله قلي وش تحب وش تريد=عليكم الرحمات ياالاموات سجل يا قلم
شاعر وزراقي وحنتوشي وشيطانن مريد=والكيف الاشقر لاتخلطه قات سجل ياقلم
« آخـــر الـــمـــشـــاركــــات »
20-Jan-2009, 02:06 PM
العرض الشجري