انا اشهد إنه ما يعز القبيله

[قادح شرار]

المشاركة الأصلية كتبت بواسطة عبدالله القثامي

بسم الله الرحمن الرحيم

اخواني وتاج راسي


قصيدة متواضعه اقبلوها كما هي وارجو المعذره

إليا تكلم لك وفكرت وأصغيت=والينه اصفى من مزون المخيله
ون طالت المده طلع هافي الصيت=أكذب من كتاب الف ليله وليله
ينقل لك البغضاء ليا اقبلت واقفيت=مجرم وحتفه فوق كتفه يشيله
أصحاب ود وهات واوحيت ما اوحيت=على النمايم والعلوم الرذيله
ما بين همز ولمز خطوا الهلافيت=وألا الرجل يعرف وعقله دليله
وجهه من افعاله عفر كنه الليت=الطيب طبعه والوفاء ينتميله
كنه موقت لأجزل القول توقيت=فصيلته يا حيها من فصيله
ألدين والا خلاق العرف لاجيت= تلقى لها عنده بيوتٍ ضليله
في مجلسه تلقى هلا هيل حييت=ودله وعود ازرق وهرجه ثقيله
وسوالفٍ وامزوح ما هتاهيت=سموا الزميل اللي يقدر زميله
الفرق واضح بين عنبر وحلتيت=والهيل ما تقرنبه الجنزبيله
واللي يقول اني تماديت وأخطيت=أقول تنبيك الليال الفضيله
واحتامها صلى المصلي وصليت=على نبيي عز من ينتميله

إبداع نقف له أحتراما ً .

أبيات أعلى من أن نقيمها .

صح لسانك يا أبو سلمان ملايين ..

وتقبل مروري .